1 Sam 28:3 - Kaqchiquel Bible

³ Ri Samuel xken yan el y chijun tinamit Israel kan janila xkibisoj. Xkimuq k'a pa rutinamit chiri' pa Ramá. Y ri rey Saúl e relesan chik k'a el chupan ri kiruwach'ulew konojel ri yek'uluben kaminaqi' y ri nikibananej chi ketaman ri peteneq chikiwech.

1 Sam 28:3 ပူးပေါင်းရင်းမြစ်များ

Ex 22:17

Jak'a wi ri rutata' ri xten man nrajo' ta nuya-el chire ri xbanon keri', kan k'o chi xtutoj janipe' ri méro ri niya'ox chire ri tata'aj, toq keri' niban chire jun xten.

Ex 22:18

Kan man tiya' q'ij chi jun ixoq aj-itz nik'ase'.

Wuj Richin ri Chojmirisabelri'il 19:31

Man kixbe kik'in ri yekik'ulubej kaminaqi', ni rik'in ri xa nubananej chi retaman ri peteneq chiwech-apo, roma wi niben keri' xa man ix ch'ajch'oj ta chinuwech. Yin Jehová ri yibin.

Wuj Richin ri Chojmirisabelri'il 20:27

Wi k'o ta jun wineq ri nich'on kik'in ri kaminaqi' o wi xa nubananej ri nubij, kan xtikamisex k'a chi abej roma ruyon xukanoj rukamik, xcha' ri Jehová chire.

Wuj Richin ri Chojmirisabelri'il 20:6

Wi k'o ta jun wineq ri xtibe rik'in ri yeruk'ulubej ri kaminaqi' y kik'in ri nikibananej chi ketaman ri peteneq chiqawech-apo y kan yerutzeqelibej, yin kan xkiyakatej chirij ri wineq ri' y kan xtinwelesaj ri ruk'aslen.

1 Sam 15:23

Roma ri mak richin ri yakatajinenri'il junan rik'in ri rumak ri nubananej chi niq'alajirisan. Ri nunimirisaj-ri' junan rik'in ri nuya' ruq'ij wachibel. Y roma rat xa man xanimaj ta rutzij ri Jehová, ri Jehová kan xaretzelaj yan. Rija' wakami kan man utz ta chik yarutz'et chi at rey, xcha'.

1 Sam 25:1

Xken k'a ri Samuel y konojel ri israelita xbekimuqu' kan pa rutinamit Ramá, roma chiri' k'o-wi ri rachoch, y konojel janila xe'oq' chirij. Y ri David xberewaj-ri' chupan ri tz'iran ruwach'ulew rubini'an Parán.

1 Sam 28:9

Jak'a ri ixoq xubij chire: Rat jebel awetaman achike xuben ri Saúl, toq xerelesaj-pe chupan ri qaruwach'ulew konojel ri nikik'ulubej kaminaqi' y ri nikibananej chi ketaman ri peteneq chikiwech. ¿Achike k'a roma naya' re jun pikbel re' chuwe ri xa nuk'en-pe kamik chuwe?, xcha'.

1 Sam 7:17

Y toq nitzolin-pe chi kitz'etik re tinamit re', k'ari' napon pa tinamit Ramá, roma chiri' k'o-wi ri rachoch. Y chiri' nuq'et-tzij y chiri' xuben-q'anej jun porobel richin ri Jehová.