1 Sam 28:23 - Kaqchiquel Bible

²³ Jak'a ri Saúl xubij chi man niwa' ta. Jak'a ri e rusamajela' ri e beneq rik'in y ri ixoq, xkitej kiq'ij chirij, k'ari' rija' xunimaj kitzij. K'ari' xyakatej-q'anej pan ulew y xtz'uye' pa ch'at.

1 Sam 28:23 ပူးပေါင်းရင်းမြစ်များ

1 Rey 21:4

Y keri' ri Acab xbe chirachoch; janila nibison y yakatajineq janila royowal, roma ri ruch'abel ri Nabot toq xubij chi man nuya' ta kan ri ulew ri', roma ri ulew ri' xa jari' ri richinan kan pa kiq'a' ri rute-rutata'. Xkotz'e-qa pa ruch'at y xtzu'un-apo chuwa-xan y man xrajo' ta xwa'.

2 Corintios 5:14

Roj kan ja ri ajowabel richin ri Cristo ri nibanon chiqe chi niqanimaj rutzij. Kan kuqul k'a qak'u'x chi pa qak'exel qonojel roj toq rija' xken. Y roma ri' roj kan xojken-wi k'a rik'in rija'.

Hechos 16:15

Rija' y ri ek'o rik'in ri pa rachoch, xqasex ya' pa kiwi' retal richin xkikuquba' kik'u'x rik'in ri Cristo. Chirij ri', ri Lidia xubij k'a chiqe: Wi kan nich'ob chi yin kan qitzij xkuqer nuk'u'x rik'in ri ajaw, kixanpe k'a wik'in, y kixok'oje-el juba' pa wachoch, xcha'.

San Lucas 24:29

Jak'a ri ka'i' achi'a' ri' xkibij chire: Kakanej-qa qik'in, roma ri q'ij xa xqaqa yan qa, y xa kan nimoymot chik, xecha'. Roma ri' ri Jesús xok k'a apo, richin nik'oje-qa kik'in.

San Lucas 14:23

Y ri rajaw xubij chire: Wakami k'a, kabiyin ri tzan taq jay el y ri pa taq bey ri yebe juk'an chik tinamit, y tabana' chike ri winaqi' chi ye'ok-pe, richin keri' ninoj re wachoch, xcha' ri rajaw.

Wuj Richin Etamabel-Tzij 25:20

Ri bix richin kikoten, ri niya'ox chire jun wineq ri xa nibison ránima kan achi'el toq jun wineq nuch'il kan rutziaq chirij, y xa janila tew najin, o naxol ri vinagre rik'in ri bicarbonato.

2 Rey 5:13

Jak'a ri rusamajela' ri Naamán xebe-apo rik'in y xkibij chire: Qajaw roj, wi ta ri q'alajirisey ruch'abel ri Dios nubij ta chawe chi tabana' jun samaj ri janila k'ayew, rat kan ta xaben. Jak'a re wakami, xaxe xubij chawe chi kabetatin chupan ri raqen-ya' Jordán, y xkak'achoj, xecha'.

2 Rey 4:8

Y k'o k'a jun q'ij ri Eliseo xq'ax-el pa tinamit Sunem. Y chiri' k'o k'a jun ixoq ri k'o ruq'ij, y re ixoq re' xutej ruq'ij richin ri Eliseo niwa-el kik'in. Y roma ri' toq rija' nik'o-el keri', niwa' k'a el kik'in ri ixoq y ri rachijil.

1 Sam 28:22

Wakami k'a, nink'utuj utzil chawe chi tawak'axaj ri nuch'abel. Taya' q'ij chuwe richin ninya' juba' away richin chi yawa-el y nik'oje-el juba' awuchuq'a' y yatikir yatzolej, xcha' ri ixoq.

Ester 1:6

Xuwiq k'a ri ruwech ri ruwa-jay rik'in peraj tzieq, seq, rex y raxroj ri kan janila jebel yetzu'un. Y ri peraj tzieq ri' e tzeqel rik'in argolla ri e banon rik'in saqipueq chuwech kolo' ri e banon rik'in lino q'eqq'oj-keq nitzu'un. Y ri kolo' ri' e ximil chikiwech ri pilar ri ek'o chiri'. Y ri pilar e banon rik'in abej mármol. Chuqa' ri ch'aket ri ek'o chiri' ronojel e banon rik'in q'anapueq y saqipueq. Ri ruwa-jay banon rik'in tz'ajtz'eq abej, ri banon rik'in mármol seq, y rik'in ch'aqa' chik jalajoj ruwech jebejoj taq abej keq, seq y raxroj yetzu'un.

Ez 23:41

Rix kan jebel k'a xiben-apo richin xe'iwoyobej rije'. Chuqa' k'o k'a jun mesa ri jebel ichojmirisan y pa ruwi' ri mesa ri' xya'ox pom y aceite ri xa e ch'aron chik chuwe yin.