1 Sam 28:21 - Kaqchiquel Bible

²¹ K'ari' ri ixoq xjel-apo rik'in ri Saúl y toq xutz'et chi kan janila ruxibin-ri' xubij chire: Yin ri in asamajel kan xinnimaj atzij. Kan xinya' pa k'ayew ri nuk'aslen y kan xinben ri xabij chuwe.

1 Sam 28:21 ပူးပေါင်းရင်းမြစ်များ

Wuj Kichin ri To'onela' 12:3

Xintz'et k'a yin chi xa man niwajo' ta yinito', yin kan xinya' k'a wi' chuwi kamik, y xojq'ax-apo kik'in ri e etzelanel qichin richin xbeqabana' oyowal, y ri Jehová kan xerujech k'a pa nuq'a'. ¿Achike k'a roma rix ix peteneq re wakami richin niben oyowal wik'in?, xcha'.

Wuj Richin ri Achin Job 13:14

Yin kan ninwoyobej k'a xabachike chi ruk'ayewal xtiyakatej-pe chuwij. Kan ninwoyobej chi ri nuk'aslen k'o ri nuk'uluwachij.

1 Sam 19:5

Y chuqa' kan xuya' ri ruk'aslen pa kamik toq xukamisaj ri Goliat. Ri Jehová xuya' kolotajik pa ruwi' ri qaruwach'ulew Israel. Rat xatz'et ri', y kan janila xakikot rik'in. ¿Achike k'a roma wakami nawajo' nakamisaj y xa maneq rumak rubanon chawech?, xcha' ri Jonatán chire ri rutata'.

1 Sam 28:20

K'ari' ri Saúl xbaqabo-qa pan ulew, y kan janila xuk'en rukiy roma ri xubij ri Samuel chire. Kan man jun chik k'a ruchuq'a', roma man wayneq ta chijun q'ij y chijun aq'a'.

1 Sam 28:22

Wakami k'a, nink'utuj utzil chawe chi tawak'axaj ri nuch'abel. Taya' q'ij chuwe richin ninya' juba' away richin chi yawa-el y nik'oje-el juba' awuchuq'a' y yatikir yatzolej, xcha' ri ixoq.

2 Rey 6:11

Roma ri' ri rey richin Siria kan xsach k'a ruk'u'x, y xuteq k'a koyoxik ri aj-raqen pa kiwi' ri aj-labal y xubij chike: Tiq'alajirisaj k'a chuwe ri achike chiwe rix ri nelesan-el rutzijol chike ri israelita ri akuchi ojk'o-wi, xcha'.