1 Sam 28:19 - Kaqchiquel Bible

¹⁹ Chuqa' ri Jehová xkarujech rat y chuqa' ri aj-labal pa kiq'a' ri aj-Filistea. Roma ri' chua'q, rat y ri e ak'ajol xkixbek'oje' qik'in chiqakojol ri oj kaminaqi' chik, xcha' ri Samuel chire.

1 Sam 28:19 ပူးပေါင်းရင်းမြစ်များ

Hechos 5:5

Y ri Ananías kan xaxe k'a xrak'axaj ri ch'abel ri xerubij ri Pedro, xken y xtzaq-qa. Y konojel k'a ri xe'ak'axan ri xbanatej, xpe k'a janila xibinri'il chike.

San Mateo 26:24

Kan qitzij wi chi yin, ri xiqaqa-pe achi'el wineq chi'ikojol, kan xkibe-wi k'a pa kamik. Kan xtibanatej achi'el ri tz'ibatel kan. Jak'a toq'ex k'a ruwech ri xtijacho-el wichin yin; utz ta chi man ta xalex, xcha' ri Jesús.

1 Rey 22:28

Y ri Micaías xubij chire: Wi rat xkatzolin-pe rik'in uxlanibel-k'u'x, man ja ta k'a ri Jehová ri xbin chuwe ri xinbij chawe ri', xcha'. Y ri Micaías chuqa' xubij chike ri winaqi': Rix kan xiwak'axaj k'a ri xinbij chire ri Acab, xcha'.

1 Rey 22:20

Y ri Jehová xuk'utuj chike ri ángel: ¿Achike ta chiwe rix nitikir nibebanon chire ri Acab chi niberubana' oyowal pa ruwi' ri Ramot ri k'o pa Galaad, y nibe xaxe richin nibeken kan?, xcha'. Y konojel ri ángel xech'owiyaj k'a chikiwech, y jun wi nikibij ri ch'aqa', y jun wi chik ri nikibij ri ch'aqa' chik.

1 Sam 12:25

Jak'a wi xa ja ri etzelal ri xtiben chuwech ri Jehová, kan tiwetamaj k'a chi rix y ri rey xkixk'is chi'iwonojel, xcha'.

Ex 9:18

Tatz'eta' na pe, ke taq wa' chua'q, yin xtinteq-pe nimalej taq saqboch pan awi' ri janila ralal, ri kan man jun bey qajineq pa ruwi' ri Egipto jampe' tz'ukutajineq-pe.

1 Sam 28:20

K'ari' ri Saúl xbaqabo-qa pan ulew, y kan janila xuk'en rukiy roma ri xubij ri Samuel chire. Kan man jun chik k'a ruchuq'a', roma man wayneq ta chijun q'ij y chijun aq'a'.

Wuj Richin ri Achin Job 3:17

Chiri' chuxe' ulew man yenaqon ta chik pe ri e banoy taq etzelal, y chiri' chuqa' ye'uxlan-wi ri xk'is-el kuchuq'a'.