1 Sam 28:18 - Kaqchiquel Bible

¹⁸ Roma man xanimaj ta rutzij ri Jehová y man xaben ta ri xubij chawe toq yakatajineq janila royowal chikij ri amalecita, y xubij chawe chi ke'ak'isa' kan jumul. Roma ri' kere' xuben chawe wakami.

1 Sam 28:18 ပူးပေါင်းရင်းမြစ်များ

1 Rey 20:42

Y ri achin ri' xubij chire ri Acab: Kere' nubij ri Jehová: Rat kan xaya-el q'ij chire ri Ben-hadad richin xbe, stape' yin kan nubin chik chi kan k'o chi nikamisex. Wakami k'a, kan ja ri ak'aslen rat xtaya' pa ruk'exel ri ruk'aslen rija', y ri atinamit pa ruk'exel ri rutinamit rija', nicha' ri Jehová, xcha'.

1 Crón 10:13

Ri Saúl xken roma man xuben ta ri ruk'amon chi nuben chuwech ri Dios. Y man xaxe ta k'ari', xmakun chuqa' roma xa xberuk'ulubej jun ixoq ri nubananej chi retaman ri peteneq chikiwech-apo,

Wuj Richin ri Jeremías 48:10

Itzel ruwa-kiq'ij ri man xkixkik'is ta rix achi'el xinbij yin. Itzel ruwa-kiq'ij wi man xtikajo' ta xtikiyoj-ki' richin xkixkikamisaj.

1 Sam 13:9

Toq ri Saúl xutz'et keri', xubij chi tuk'uex-apo chuwech rija' ri chikop ri xtiporox jumul y ri sipanik richin nuq'alajirisaj chi nijunamatej-kiwech rik'in ri Jehová. Y kan ja rija' k'a ri xporon ri chikop chuwech ri Jehová.

1 Sam 15:20

Y ri Saúl xubij chire ri Samuel: Yin xinimaj rutzij ri Jehová, y xibe akuchi xiruteq-wi, y xenkamisaj kan konojel ri amalecita y xaxe ri Agag ri xinya' kan ruk'aslen y xink'en-pe.

1 Sam 15:28

K'ari' ri Samuel xubij: Ri Jehová xtrelesaj-el ri q'atbel-tzij pan aq'a' achi'el xretzetej ri nutziaq yin, y xtuya' k'a chire jun chik qawinaq ri más utz chawech rat.

1 Sam 15:9

Y ri Saúl y ri aj-labal xa xkijoyowaj ruwech ri Agag, y man xkikamisaj ta. Chuqa' man xekikamisaj ta ri jebelej, nima'q y kokoj taq awej. Chuqa' ronojel ri k'o kejqalen man xkineq ta, jak'a ri xa man yek'atzin ta y maneq rejqalen, jari' xekik'is kan jumul.