1 Sam 28:12 - Kaqchiquel Bible

¹² Jak'a toq ri ixoq xutz'et ri Samuel, kan xsik'in k'a y k'ari' xubij chire ri Saúl: ¿Achike roma xinaq'ol? ¡Xa kan ja rat ajk'a ri at Saúl!, xcha'.

1 Sam 28:12 ပူးပေါင်းရင်းမြစ်များ

Wuj Richin ri Rutikeribel 29:25

Toq xseqer-pe jari' toq xunabej ri Jacob chi xa rik'in ajk'a ri Lea xk'oje-wi, y k'ari' xubij chire ri Labán: ¿Achike k'a ri xaben chuwe? Yin xatinwilij roma ri Raquel. ¿Achike roma xinaq'ol?, xcha'.

1 Rey 14:5

Ri Jehová kan xubij yan k'a chire ri Ahías chi ri rixjayil ri Jeroboam xtapon rik'in richin niberuk'ulubej ri achike xtiberuk'uluwachij ri ti ral, roma re ak'ual re' janila yawa'. Ri Jehová xubij k'a chire ri Ahías ri k'o chi xtubij-el chire ri ixoq, y chi rija' rujalon-el ruwech xtapon rik'in.

1 Sam 28:11

K'ari' ri ixoq xuk'utuj chire ri achike nrajo'. Y ri Saúl xubij chi turoyoj-pe ri Samuel.

1 Sam 28:13

Y ri rey xubij chire chi man tuxibij-ri'. Y xuk'utuj ri achike k'a ri xutz'et. Y ri ixoq xubij chire: Nintz'et achi'el rubanik jun wineq aj-chikajil jotol-pe chuwech re ruwach'ulew, xcha'.

1 Sam 28:3

Ri Samuel xken yan el y chijun tinamit Israel kan janila xkibisoj. Xkimuq k'a pa rutinamit chiri' pa Ramá. Y ri rey Saúl e relesan chik k'a el chupan ri kiruwach'ulew konojel ri yek'uluben kaminaqi' y ri nikibananej chi ketaman ri peteneq chikiwech.