1 Sam 28:11 - Kaqchiquel Bible

¹¹ K'ari' ri ixoq xuk'utuj chire ri achike nrajo'. Y ri Saúl xubij chi turoyoj-pe ri Samuel.

1 Sam 28:11 ပူးပေါင်းရင်းမြစ်များ

1 Sam 28:10

Jak'a ri Saúl xubij chire ri ixoq: Ninya' nutzij chuwech ri Jehová chi rat kan man jun xtabek'uluwachij roma re', xcha' ri Saúl.

1 Sam 28:12

Jak'a toq ri ixoq xutz'et ri Samuel, kan xsik'in k'a y k'ari' xubij chire ri Saúl: ¿Achike roma xinaq'ol? ¡Xa kan ja rat ajk'a ri at Saúl!, xcha'.

1 Sam 28:15

K'ari' ri Samuel xuk'utuj chire ri Saúl: ¿Achike roma xaben chuwe richin chi yin xipe?, xcha'. Y ri Saúl xubij chire: Yin janila sachineq nuk'u'x, roma ri aj-labal aj-Filistea nokibana' oyowal qik'in, y ri Dios kan ruch'aron-el-ri' wik'in. Kan man nuk'uluba' ta chik pe ri nuch'abel, ni kik'in ri q'alajirisey ri ruch'abel, ni ta pa wachik'. Roma ri' xatinwoyoj, richin naq'alajirisaj chinuwech achike nik'atzin richin ninben, xcha'.

Wuj Richin ri Isaías 8:19

Rik'in juba' ek'o xkebin chiwe chi tik'utuj chike ri yech'on kik'in ri kaminaqi' y chike ri nikibananej chi ketaman ri peteneq chiqawech-apo, roma ruk'amon chi rik'in ta ri Dios xik'utuj-wi ronojel re'. Jak'a yin ninbij chi man ruk'amon ta chi ye'ik'ulubej ri kaminaqi' richin nikibij chiwe achike nik'uluwachij kik'in ri k'a ek'o na kan.