1 Sam 28:1 - Kaqchiquel Bible

¹ Chupan ri q'ij ri' ri aj-Filistea xekimol k'a konojel tzobaj aj-labal, y xa jun xkiben richin nibekibana' oyowal kik'in ri aj-Israel. K'ari' ri rey Áquis xubij chire ri David: Awetaman chi rat y ri aj-labal ri ek'o awik'in k'o chi yixbe wik'in pan oyowal, xcha'.

1 Sam 28:1 ပူးပေါင်းရင်းမြစ်များ

1 Sam 13:5

Jak'a ri aj-Filistea xkimol-ki' chuqa', richin nibekibana' oyowal kik'in ri israelita. Rije' e kik'uan e 30,000 carruaje richin oyowal,6,000 achi'a' ri e beneq chirij kiej y janila e k'iy aj-labal ri e beneq chikij: Kan man e ajlatel ta k'a. Xejote-q'anej y xek'oje-qa chiri' pa Micmás, ri k'o pa relebel-q'ij chire ri Bet-avén.

1 Sam 17:1

K'o k'a jun q'ij ri aj-labal aj-Filistea xkimol chik ki' richin nibekibana' labal kik'in ri aj-Israel. Y ri aj-Filistea xek'oje-qa pa Efes-damim chikikojol ri tinamit Socó y Azecá, pa ruwach'ulew Judá.

1 Sam 27:12

Ri rey Áquis kan xukuquba' ruk'u'x rik'in ri David, y xubij-qa: Ri winaqi' aj-Israel kan itzel chik nikina' chire, y roma ri' rija' xtok nusamajel richin q'asen, xcha-qa.

1 Sam 31:1

Rokik re', ri aj-Filistea xkichop oyowal kik'in ri israelita. Jak'a rije' xa xe'animej chikiwech ri aj-Filistea, y xeken k'a chuwa taq juyu' richin Guilboa.

1 Sam 7:7

Toq xkak'axaj ri aj-Filistea chi ri israelita kimolon-ki' pa Mispá, jari' toq xejote-q'anej ri aj-labal, richin nibekibana' labal kik'in. Toq ri israelita xkak'axaj chi ri aj-Filistea e peteneq, rije' janila xkik'en rukiy.