1 Sam 27:9 - Kaqchiquel Bible

⁹ Y xabakuchi k'a niberubana' oyowal ri David, kan chi achi'a' chi ixoqi' yerukamisaj kan. Man jun k'a nuya' kan ruk'aslen. Y chuqa' yeruk'uaj k'a el ri karne'l, ri wákix, ri bur, ri camello y ri kitziaq ri winaqi'. K'ari' nitzolin k'a rik'in ri rey Áquis.

1 Sam 27:9 ပူးပေါင်းရင်းမြစ်များ

1 Sam 15:3

Kixbiyin k'a y tibebana' oyowal kik'in. Tik'isa' kan ronojel ri k'o kik'in, y man tijoyowaj kiwech. Ke'ikamisaj kan chi achi'a', chi ixoqi', chi ak'uala', y chuqa' ri ak'uala' ri k'a yetz'uman na, chuqa' ri kiwákix, ri kikarne'l, ri ki-camello, ri kibur y ronojel ri kawej, rubin ri Jehová, xcha'.

1 Sam 15:7

Y ri Saúl kan xeruch'ek k'a, xtiker-pe pa ruwach'ulew Havilá y xapon k'a pa ruwach'ulew Sur, ri k'o pa relebel-q'ij chire ri Egipto.

Wuj Richin ri Josúe 6:21

Y ronojel ri xkil chupan ri tinamit ri', xekikamisaj rik'in espada; chi achi'a', chi ixoqi', chi ak'uala' y ri taq rijita'q, chuqa' ri bóyix, ri kokoj taq awej y konojel ri bur.

Ex 15:22

Chirij re' ri Moisés xuben k'a chi xkichop chik el bey, y xe'el-el chuchi' ri Kaqa-Palou y xebe chupan ri bey ri nibe pa tz'iran ruwach'ulew rubini'an Sur. Xebiyin k'a oxi' q'ij chupan ri tz'iran ruwach'ulew ri' y chiri' kan man jun ya' nilitej.

Wuj Richin ri Rutikeribel 25:18

Ri e rijatzul xek'oje' chupan ri ruwach'ulew ri nitiker-el rik'in ri Havilá ri k'o pa Sur ri k'o chuwech ri Egipto y xe'apon k'a pa ruwach'ulew Asiria, y kan kich'aron k'a ki' kik'in ri ch'aqa' chik kach'alal.

Wuj Richin ri Rutikeribel 16:7

Y toq animajineq-el ri Agar, xberuk'ulu-pe ri ángel richin ri Jehová, chunaqaj jun ralaxbel-ya' ri k'o pa tz'iran ruwach'ulew ri k'o junan rik'in ri bey ri nibe pa Sur.

1 Sam 15:8

Y xkichop k'a el ri Agag rey kichin ri amalecita, jak'a konojel winaqi' richin ri tinamit ri' xekikamisaj kan chi espada.

Wuj Richin ri Achin Job 1:3

Chuqa' ek'o e 7,000 rukarne'l, e 3,000 ru-camello, e 500 k'ulaj rubóyix, e 500 rubur, y janila e k'iy rusamajela'. Ja rija' ri achin ri más rubeyomel ke chikiwech ri achi'a' ri ek'o chuqa' chiri' chupan ri ruwach'ulew ri', ri k'o pa relebel-q'ij.