1 Sam 27:12 - Kaqchiquel Bible

¹² Ri rey Áquis kan xukuquba' ruk'u'x rik'in ri David, y xubij-qa: Ri winaqi' aj-Israel kan itzel chik nikina' chire, y roma ri' rija' xtok nusamajel richin q'asen, xcha-qa.

1 Sam 27:12 ပူးပေါင်းရင်းမြစ်များ

Wuj Richin ri Rutikeribel 34:30

Y ri Jacob xubij chike ri Simeón y ri Leví: Rix janila xiniya' pa ruk'ayewal roma xe'ikamisaj kan re rajaw re ruwach'ulew re'. Wakami xtikimol k'a pe ki' chiqij ri e rijatzul kan ri Canaán y ri Feres y roj xa man oj k'iy ta ok ri achi'a'; xkinkikamisaj k'a yin y ri e aj pa wachoch, xcha' chike.

2 Sam 10:6

Y toq ri amonita xkinabej chi ri David janila chik itzel yerutz'et, jari' toq xekitoj e 20,000 aj-labal ri yebe chikaqen ri e aj-Siria ri ek'o pa tinamit Bet-rehob y ri ek'o pa tinamit Sobá. Chuqa' xekitoj-el e 1,000 achi'a' ri e aj-Maacá, y 12,000 achi'a' e aj-Is-tob.

Ex 5:21

Y ri aj-raqen ri' xkibij chike ri Moisés y ri Aarón: Ja ri Jehová xtuq'et-tzij pan iwi', roma ri yixajin chubanik roma ja rix ri k'o imak chi ri rey y ri e rusamajela', man yojqa' ta chik chikiwech, y kan jak'a rix ri xixbanon chi xkichop ri ki-espada richin yojkikamisaj, xecha'.

1 Sam 13:4

Y konojel k'a ri israelita xkak'axaj chi ri Saúl xuch'ek yan ri akuchi ek'o-wi-qa ri aj-Filistea ri e etzelanel kichin. K'ari' rije' xkimol-ki' rik'in ri Saúl chiri' pa Guilgal.

1 Sam 27:11

Ri David kan man jun k'a nuya' kan rik'in ruk'aslen, ni ta achin, ni ta ixoq, richin chi man ye'apon ta pa Gat, y nibekiya' rutzijol ri achike najin chubanik rija'. Keri' xuben janipe' q'ij xk'ase' chiri' kik'in ri aj-Filistea.

1 Sam 28:1

Chupan ri q'ij ri' ri aj-Filistea xekimol k'a konojel tzobaj aj-labal, y xa jun xkiben richin nibekibana' oyowal kik'in ri aj-Israel. K'ari' ri rey Áquis xubij chire ri David: Awetaman chi rat y ri aj-labal ri ek'o awik'in k'o chi yixbe wik'in pan oyowal, xcha'.