1 Sam 26:8 - Kaqchiquel Bible

⁸ K'ari' ri Abisai xubij chire ri David: Wakami ri Dios xujech pan aq'a' ri etzelanel awichin. Wakami taya' k'a q'ij chuwe richin ninkamisaj rik'in la rukum, pa jun bey xtinch'ikiba' pan ulew y man k'atzinel ta xtinya' chik jun chire, xcha'.

1 Sam 26:8 ပူးပေါင်းရင်းမြစ်များ

2 Sam 16:9

K'ari' ri Abisai ral ri Seruiá xubij chire ri rey: ¿Achike roma re jun kamineq tz'i' re', nroyoj itzel pan awi' rat nu-rey? Taya' q'ij chuwe richin yiq'ax-el y xtinwelesaj ri rujolon, xcha'.

Wuj Richin Bix Chire ri Dios 31:8

Man xinajech ta k'a pa kiq'a' ri e etzelanel wichin, xa kan xinakol y xaben chuwe chi jikil xik'oje'.

Wuj Richin ri Jeremías 40:15

K'ari' ri Johanán xch'on pan ewel rik'in ri Guedalías y xubij chire: Taya' q'ij chuwe richin ninbenkamisaj kan ri Ismael y man jun xtetaman. ¿Achike ta k'a roma xkarukamisaj? roma wi keri', konojel ri winaqi' aj-Judá ri xkimol-pe-ki', xtikitaluj chik el ki' y keri' ri winaqi' aj-Judá xkek'is.

Wuj Richin ri Nahum 1:9

¿Achike k'a nich'ob chirij ri Jehová? Rija' kan xtuya-wi-pe ri wululen y xtuben chi xtik'is ronojel. Man nik'atzin ta richin nukamuluj chik.

Romanos 11:32

Ri Dios kan nuq'alajirisaj k'a chi konojel winaqi' oj aj-maki'; jak'a nrajo' nusuj ri rutzil chiqe qonojel.

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

Wuj Richin ri Josúe 21:44

Y man jun k'a chike ri etzelanel kichin ri xupaba' ta ri' chikiwech rije', roma ri Jehová kan xerujech pa kiq'a'. Y keri' kan xuya' k'a uxlanenri'il ri chiri' pa kiruwach'ulew, achi'el ri ya'on-tzij ri rubanon kik'in ri kite-kitata'.

Wuj Kichin ri To'onela' 1:4

Ri tzobaj ri' xkichop k'a oyowal, y ri Jehová xerujech pa kiq'a' rije' ri winaqi' aj-Canaán y ri winaqi' ferezeo; y xekich'ek k'a e 10,000 achi'a' chiri' pa tinamit Bézec.

1 Sam 23:14

Y ri David xebek'oje' k'a chuwi' taq juyu' richin xbekewaj-ki' pa taq jul chiri' pa tz'iran ruwach'ulew richin Zif. Y ri Saúl kan ronojel k'a q'ij xerukanoj, jak'a ri Dios man xeruk'ut ta chuwech.

1 Sam 24:4

Jari' toq ri aj-labal e richin ri David xkibij chire: Ja q'ij re' ri rubin ri Jehová chawe, chi xtujech ri Saúl pan aq'a'. Tabana' k'a rik'in achike nawajo' rat, xecha'. K'ari' ri David xyakatej-q'anej y eqal-eqal xtzale-apo rik'in, y chiri' xutzak'ij kan juba' ri ruchi' ri rutziaq ri Saúl.

1 Sam 24:5

Y toq ri David xuben yan keri' kan janila xq'axon ri ránima, roma xutzak'ij kan juba' ruchi' ri rutziaq ri Saúl.

1 Sam 26:23

Y ja ta ri Jehová xtiya'on rajel ruk'exel chuwe achi'el ri ruchojmilal ri xinben, roma rija' kan xarujech pa nuq'a' wakami. Jak'a yin man xinwajo' ta xinjeluj nuq'a' chawij rat ri kan at cha'on roma ri Jehová richin at okineq rey.

1 Sam 26:7

K'ari' ri David y ri Abisai chupan ri aq'a' ri' xebe kik'in ri aj-labal ri ek'o rik'in ri Saúl. Y rija' kotz'ol, y jebel k'a niwer chiri', y ri rukum ruch'ikiban kan pan ulew chunaqaj ri ruch'akat-ruwi'. Ri Abner y ri aj-labal, konojel yewer y kisutin rij ri Saúl.

1 Sam 26:9

Jak'a ri David xubij chire: Man takamisaj roma ri achike xtikamisan richin ri rey ri kan cha'on roma ri Jehová, kan xtiqaqa rutojbalil pa ruwi'.