1 Sam 26:4 - Kaqchiquel Bible

⁴ K'ari' rija' xeruteq el nachanela' y kan xunabej chi kan qitzij xapon chiri' ri Saúl.

1 Sam 26:4 ပူးပေါင်းရင်းမြစ်များ

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

Wuj Richin ri Josúe 2:1

Toq ri tinamit Israel k'a ek'o na chiri' pa k'echelaj Sitim, ri Josué ri ruk'ajol kan ri Nun, xeruteq-el ka'i' achi'a' pan ewel richin yebe chupan ri ruwach'ulew Canaán richin nibeketamaj kan jebel ri tinamit rubini'an Jericó. Y ri achi'a' xebe k'a y xe'ok pa rachoch jun ixoq itzel ruk'aslen rubini'an Rahab y chiri' xkiq'axaj-wi ri aq'a'.

1 Sam 26:3

Y ri Saúl xk'oje' k'a qa chiri' chunaqaj ri bey ri nibe pa juyu' Haquilá ri k'o pa relebel-q'ij chire ri tz'iran ruwach'ulew. Jak'a ri David, kan k'o chiri' pa tz'iran ruwach'ulew, y xunabej chi ri Saúl kan rutzeqeliben-el k'a chiri'.

1 Sam 26:5

Y ri David xbe y xapon k'a akuchi k'o-wi-qa ri Saúl. Rija' xutz'et jebel akuchi xewer-wi-qa ri Saúl y ri Abner, ruk'ajol ri Ner. Y ri Saúl kan niwer k'a chiri' ri akuchi k'o-wi-qa y kan kisutin-ki' chirij.