1 Sam 26:21 - Kaqchiquel Bible

²¹ K'ari' ri Saúl xubij: In makuwineq chawech rat David ri at achi'el nuk'ajol. Katzolej k'a pe, roma xa man jun chik k'a xtinben chawe, re chiqawech-apo, roma rat kan janila apoqonan ri nuk'aslen. Yin kan man utz ta nubanon awik'in roma kan nubanon achi'el ta jun achin nakanik y kan man utz ta nubanon, xcha' ri Saúl.

1 Sam 26:21 ပူးပေါင်းရင်းမြစ်များ

2 Rey 1:13

Y ri Ocozías xuteq chik k'a el ri rox aj-raqen rik'in chik e kawineq lajuj aj-labal. Y re aj-raqen re' xjote' k'a el y xxuke-qa chuwech ri Elías, y xubij k'a chire: Táta, ri at q'alajirisey ruch'abel ri Dios, nink'utuj utzil chawe chi kan k'o ta rejqalen chawech rat ri nuk'aslen, y ri kik'aslen ri e kawineq lajuj achi'a' ri ek'o wik'in.

2 Rey 1:14

Roma ri ka'i' tzobaj ri xepe nabey y ri e ka'i' aj-raqen kan xqaqa-pe q'aq' chila' chikaj chikij, y kan xeruk'is konojel. Wakami k'a, tabana' utzil tajoyowaj qawech y man tawelesaj ri qak'aslen roj, xcha'.

Wuj Richin Bix Chire ri Dios 116:15

Ri Jehová kan nupoqonaj k'a kiwech ri e ralk'ual rija' toq ye'apon chuwech ri kamik.

Wuj Richin Bix Chire ri Dios 49:8

Roma ri rajel ri ruk'aslen kan janila k'a nim. Kan man jun bey k'a xtitojtej,

Wuj Richin Bix Chire ri Dios 72:14

Xtukol k'a ri kik'aslen pa kiq'a' ri q'olonela' y ri kamisanela', roma ri kikik'el rije', kan janila k'a nupoqonaj rija'.

Ex 9:27

K'ari' ri rey xuteq koyoxik ri Moisés y ri Aarón y xubij chike: Wakami ninna' chi ximakun, roma ri Jehová kan janila choj ri nuben, jak'a yin y ri nuwinaq xa oj itzel taq winaqi' chuwech.

Wuj Richin ri Q'axanri'il 22:34

K'ari' ri Balaam xubij chire ri ángel: Yin ximakun wakami, roma yin man wetaman ta k'a chi rat at pa'el pa bey, richin chi yinaq'et. Wi kan man utz ta k'a nuben chawech re nuchapon-el bey, más utz yitzolej, xcha'.

San Mateo 27:4

Rija' xubij kan chike: Yin kan ximakun richin xinjech pan iq'a' ri jun ri xa maneq rumak, xcha' chike. Jak'a rije' xkibij-pe chire: Re' man nik'atzin ta chiqe roj. Ri' amak rat, xecha' chire.

1 Sam 13:13

K'ari' ri Samuel xubij chire ri Saúl: Rat xa kan xach'ujer chubanik re'. Wi ta rat xataqej ri rupixa' ri Jehová ri qa-Dios ri rubin chawe, kan ja ta re wakami xujikiba' ri aq'atbal-tzij pa ruwi' ri Israel richin jantape'.

1 Sam 15:24

K'ari' ri Saúl xubij chire ri Samuel: Yin kan ximakun, roma man xinnimaj ta rutzij ri Jehová y ri ach'abel rat, roma xink'en kikiy ri aj-labal y xinnimaj kitzij. Takuyu' k'a ri numak wakami.

1 Sam 15:30

Y ri Saúl xubij chire ri Samuel: Kan qitzij na wi chi yin ximakun, jak'a nink'utuj utzil chawe chi taya' wejqalen chikiwech ri achi'a' ri k'o kiq'ij y chikiwech konojel ri qawinaq, y katzolin chik k'a wik'in richin chi junan niqaya' ruq'ij ri Jehová ri qa-Dios, xcha'.

1 Sam 18:30

Ronojel mul toq ri e tata'al aj-Filistea yebe pan oyowal, ja ri David ri nich'akon chikij, roma ja rija' ri más nitikir chikiwech konojel e richin ri Saúl. Roma ri' kan xel janila jebel rutzijol.

1 Sam 24:17

y xubij: Rat kan más at choj chinuwech yin. Rat xatzolij rajel ruk'exel chuwe rik'in utzil, y yin xa kan ja ri itzel xinben chawe.

1 Sam 26:22

Y ri David xubij: Ri akum jare' k'o wawe'. Tipe k'a jun chike ri asamajel, y toruk'ama-el.

1 Sam 26:24

Y achi'el ta yin ri kan janila rejqalen ri ak'aslen chinuwech re q'ij re', kan keri' ta k'a chuqa' ri nuk'aslen yin chuwech ri Jehová. Rija' kan xkirukol ta chuwech ronojel tijoj-poqonal, xcha' ri David.

1 Sam 27:4

Xapon k'a rutzijol rik'in ri Saúl chi ri David xanimej-el y k'o pa tinamit Gat, y keri' man xukanoj ta chik.