1 Sam 26:20 - Kaqchiquel Bible

²⁰ Wakami k'a, man ta xkiken yin nej chire ri qaruwach'ulew, roma rat kan at eleneq-pe chi nukanoxik achi'el nikanox jun k'eq y achi'el toq nikanox jun saqkorowach pa q'ayis, xcha' ri David.

1 Sam 26:20 ပူးပေါင်းရင်းမြစ်များ

1 Sam 24:14

¿Achike k'a atzeqeliben rat rey richin Israel? ¿Achike ri awojqan? ¡Yin xa maneq wejqalen! Yin xa in achi'el jun kamineq tz'i' o xa in achi'el jun ti k'eq.

San Mateo 26:55

Y chupan k'a chuqa' ri ramaj ri' ri Jesús xubij chike ri winaqi': ¿Xich'ob chi yixpe chuchapik jun eleq'om, y roma ri' ik'amon-pe che' y espada? Kan q'ij-q'ij k'a ri xitz'uye' iwik'in chiri' pa rachoch ri Dios, toq xink'ut ri ruch'abel chiwech y man jun bey xinichop.

San Mateo 26:47

Y ri Jesús kan k'a nich'on na kik'in, toq ja yan ri' xoqaqa ri Judas, ri jun chike ri kablajuj rutijoxela', y e ruk'uan k'a apo e k'iy winaqi' ri e kik'ualon che' y espada. Konojel re' e taqon el koma ri aj-raqen kichin ri sacerdote y koma chuqa' ri achi'a' ri k'o kiq'ij chikikojol ri winaqi'.

1 Sam 25:29

Stape' kan k'o jun yakatajineq chawij y kan at ruq'eleben richin yarukamisaj, jak'a rat man jun xtak'uluwachij, roma rat kan atk'o pa ruq'a' ri Jehová ri qa-Dios. Jak'a ri kik'aslen ri etzelanel awichin kan xkek'aq ta roma ri Dios achi'el nik'aq jun abej rik'in ri ikeq'.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

1 Sam 24:11

Wajaw yin, tatz'eta' re ruchi' ri ko'ol raqen atziaq re k'o pa nuq'a'. Yin kan xintzak'ij kan, retal richin man xatinkamisaj ta. Tawetamaj k'a chi yin man jun itzel k'o pa wánima chawij rat, ni man yatinq'ol ta. Y rat yinakanoj richin nawelesaj ri nuk'aslen.

Wuj Richin ri Jeremías 16:16

Yin Jehová ri yibin. Xkenteq k'a pe e k'iy karunela' richin yekichop-el. Xkenteq-pe e k'iy kanonela' y xkekichop-el ri ek'o pa taq juyu' y pa ruwi' kojol taq juyu' y k'a pa taq jul chire ri nima'q taq abej.

Wuj Richin ri K'uxla'anik 3:52

Man jun achike roma toq ri e etzelanel wichin xinkichop; y kan xinkichop achi'el nichap jun ti aj-xik' chikop.

1 Sam 24:15

Kan ja ri Jehová ri xtiq'aton-tzij pa qawi' roj oj ka'i'. Kan ja k'a rija' xtitz'eton ri nuk'aslen y kan xkiruto' pan aq'a' rat, xcha' ri David chire ri Saúl.