1 Sam 26:19 - Kaqchiquel Bible

¹⁹ Wakami k'a wajaw tabana' utzil tawak'axaj k'a ri nuch'abel yin, ri asamajel. Wi ja ri Jehová xbin chawe richin yayakatej chuwij, rik'in juba' rija' xtuk'ul ta jun sipanik chiqawech ri xtiqasuj chire. Jak'a wi ja ri achi'a' ri xetaqchi'in awichin, ri Jehová xtuben chi xtiqaqa itzel pa kiwi', roma kan xinkelesaj-pe richin chi yin man yinichinan ta kik'in chupan ri qaruwach'ulew. Rije' chuqa' xkibij chi yin xkensamajij ch'aqa' chik dios.

1 Sam 26:19 ပူးပေါင်းရင်းမြစ်များ

2 Sam 20:19

Re qatinamit roj kan achi'el jun te'ej ri nuya' pixabanik chike ri ral. Kan jun tinamit ch'uch'uj y kan nuben ri nubij. Jak'a rat xa natej aq'ij richin nak'is re jun te'ej tinamit. ¿Achike k'a roma nawajo' nak'is ri ruya'on ri Jehová chiqe?, xcha'.

2 Sam 16:11

K'ari' ri David xubij chire ri Abisai y chike konojel ri e tata'al: Wi ri nuk'ajol ri walk'ualan, nrajo' nrelesaj nuk'aslen, ¡K'a ta la' chik k'a jun chike ri rijatzul kan ri Benjamín! Tiya' k'a q'ij chire richin nroyoj itzel pa nuwi', roma rik'in juba' kan ja ri Jehová biyon chire.

2 Sam 14:16

Rat nu-rey kan xawak'axaj k'a ri nuch'abel, y xajikiba' atzij chi kan xqojakol-wi y man jun xtelesan ri k'o chi nrichinaj ri wal.

Wuj Richin Bix Chire ri Dios 120:5

Toq'ex nuwech yin, ri ink'o pa ruwach'ulew Mésec,*f104* ri in k'es chikikojol ri aj-Quedar.

1 Crón 21:1

K'o k'a jun q'ij ri Satanás xyakatej k'a chikij ri winaqi' israelita y roma ri' xubij chire ri David chi tutaqa' kajlaxik ri aj-labal.

1 Sam 18:10

Ri jun chik q'ij ri Jehová xuteq chik k'a pe ri itzel espíritu rik'in ri Saúl, y kan sachineq ruk'u'x k'o pa rachoch. Y ri David niq'ojoman k'a achi'el nuben ri ch'aqa' chik q'ij. Y ri Saúl kan ruk'uan k'a ri rukum.

Wuj Richin ri Rutikeribel 8:21

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

2 Timoteo 4:14

Ri Alejandro ri samajiy-ch'ich', k'iy k'a itzel ri rubanon chuwe. Ri Dios kan xtuya-wi k'a ri rutojbalil chire, kan achi'el ri rubanobal.

Gálatas 5:12

Kan janila ninrayij chi ri achi'a' ri' kan ta k'a nikiqupij-el jumul ri kich'akul.

Romanos 14:15

Man tiqaben chire ri qach'alal ri man ronojel ta nutej chi nitzaq y numalij ruk'u'x roma ri niqatej roj, roma ri Cristo xken chuqa' roma ri qach'alal ri'. Wi keri' niqaben, niq'alajin chi xa man yojajowan ta.

Wuj Richin ri Isaías 60:5

Y toq xtitz'et ronojel re', kan xtitze'en k'a iwech, ri iwánima kan janila k'a xtikikot, roma kan xtikik'en-pe chiwe ronojel beyomel kichin ri ruwach'ulew, y re' xtipe ri k'a juk'an chik ruchi' taq ya'.

Wuj Richin Etamabel-Tzij 30:10

Man jun bey tayek-tzij chirij jun loq'on samajel, chuwech ri rajaw; roma man xa troyoj itzel pan awi' y natej poqon roma ri'.

1 Rey 22:22

Y ri espíritu ri' xubij: Yin xkibe y xkinok jun espíritu richin tz'ukuj-tzij, y xtinben chike ri achi'a' ri e q'alajirisanela' richin xtikitz'uk-tzij. Y ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.

2 Sam 24:1

Chirij ronojel re' ri Jehová xyakatej chik jun bey royowal chikij ri winaqi' israelita, y roma ri' xuya' q'ij chi ri David xtaqchi'ix richin chi xuben jun tz'iban bi'aj chiri' pan Israel y pa Judá.

1 Sam 25:24

K'ari' xjel-apo chiraqen y xubij chire: Wajaw, kan pa nuwi' ta k'a yin xtiqaqa-wi ronojel re mak re'; taya' q'ij richin yich'on awik'in y kan xtawak'axaj ta k'a ronojel ri xtinbij chawe yin ri in asamajel.

Wuj Richin ri Chojmirisabelri'il 26:31

Kan xtitole' k'a kan ri itinamit, y kan man jun chik xke'apon ri akuchi niya-wi kiq'ij ri i-dios, y kan man utz ta chik xtinseq ri jubulej pom.

Wuj Richin ri Rutikeribel 44:18

K'ari' ri Judá xjel-apo rik'in ri José y xubij chire: Táta, nink'utuj jun nimalej utzil chawe, richin chi tawak'axaj ri xtinbij chawe, roma rat kan at achi'el ri rey, ri k'o q'atbel-tzij pa ruq'a' y roma ri' tabana' utzil man tiyakatej awoyowal chuwe.

1 Sam 24:9

Y xubij chire: Wajaw, ¿achike k'a roma nanimaj kitzij ri yebin chawe chi yin ninwajo' ninben itzel chawe?

1 Sam 27:1

Ri David xubij-qa pa ránima: K'o na jun q'ij xkiberukamisaj ri Saúl. Wakami k'a, más utz yinanimej-el chi'anin y yibe pa kiruwach'ulew ri aj-Filistea, richin chi man yiruch'ob ta chik, y man chaq yirukanoj ta chupan re ruwach'ulew Israel. Keri' xtinkol-el-wi' pa ruq'a', xcha-qa.

2 Sam 21:3

Y toq xe'apon, xuk'utuj k'a chike ri achike ta k'atzinel chi nuben pa kiwi' rije', y achike ta nuben richin nutoj chike ronojel ri man utz ta ri xban chike, richin chi rije' nikibila' ta chik utzilej taq ch'abel pa kiwi' ri israelita.

Wuj Richin ri Q'axanri'il 36:7

Ri ruwach'ulew ri xtikichinaj ri jun tzobaj man xtok ta richin jun chik tzobaj. Jak'a ronojel ulew k'o chi nik'oje' kan kik'in ri tzobaj ri xtikichinaj kan.

Wuj Richin ri Q'axanri'il 36:9

Y man jun chire ri ik'uluman kan ri niq'ax ta apo pa jun chik tzobaj. Chikijujunal ri tzobaj richin ri Israel k'o chi nuchajij ri ulew ri xuk'ulumaj kan, xcha'.

Deut 13:3

kan man tinimaj k'a rutzij jun wineq keri'. Roma ri Jehová ri qa-Dios xa yixrutejtobej richin nutz'et wi kan qitzij niwajo' rija' rik'in ronojel iwánima, chupan chijun ik'aslen.

2 Sam 16:10

Jak'a ri rey xubij: Rat ral ri Seruiá, man tayoj-awi' chupan re'. Wi rija' nroyoj itzel pa nuwi', kan tubij na, roma ja ri Jehová biyon chire chi nubij re' chuwe, xcha'.

Wuj Richin Bix Chire ri Dios 20:4

Kan xtuya' ta k'a chawe ri rurayibel ri awánima. Kan xtuben ta k'a chi xtik'achoj ronojel ri ach'obon richin naben.