1 Sam 26:18 - Kaqchiquel Bible

¹⁸ Y chuqa' xubij: Rat wajaw, ¿achike k'a roma in atzeqeliben yin ri in asamajel? ¿Achike k'a nubanon yin? ¿Achike k'a etzelal nubanon chawe?

1 Sam 26:18 ပူးပေါင်းရင်းမြစ်များ

1 Sam 24:9

Y xubij chire: Wajaw, ¿achike k'a roma nanimaj kitzij ri yebin chawe chi yin ninwajo' ninben itzel chawe?

San Juan 18:23

Jak'a ri Jesús xubij chire ri chajinel ri': Wi k'o ch'abel ri man ja ta rubixik xinben-apo chire, taq'alajirisaj achike ri man pa rubeyal ta ri xinbij-apo. Y wi ronojel ri xinbij-apo, qitzij, ¿achike k'a roma toq xaya' jun q'a' chuwe?, xcha' ri Jesús.

San Juan 10:32

Jak'a ri Jesús xubij: Kan k'iy k'a utzilej taq samaj ri e nubanalon chiwech, roma ri uchuq'a' ri ruya'on-pe ri nata' chuwe. ¿Achike k'a chike ri utzilej taq samaj ri' ri man niqa' ta chiwech, y roma ri' niwajo' yinikamisaj chi abej?, xcha'.

San Juan 8:46

¿K'o kami k'a jun ri nibin-pe chuwe wakami achike mak e nubanalon? Y wi kan jebel niq'alajin chi man jun mak pa nuk'aslen y kan ruyon qitzij ri ninbij, ¿achike k'a roma toq man yininimaj ta?

Wuj Richin Bix Chire ri Dios 69:4

Yinketzelaj y xa man jun achike ta roma; janila k'a xek'iyer, y kan man e ajlatel ta chik, kan más chik k'a xek'iyer ke chuwech ri rusumal-nuwi'. Ri e etzelanel wichin kan xk'oje' k'a kuchuq'a'. Kan nikich'ojij k'a chuwe ri xa man xinweleq'aj ta.

Wuj Richin Bix Chire ri Dios 35:7

Rije' xkiya' jun pikbel pa nubey ri xa man jun achike ta roma. Chuqa' xkiben k'a jun jul richin chi yin yitzaq ta chupan.

1 Sam 17:29

K'ari' ri David xubij: ¿Achike k'a xinben yin? ¿Man ruk'amon ta kami k'a richin yich'on?, xcha'.

Wuj Richin Bix Chire ri Dios 119:161

Ek'o achi'a' ri k'o kiq'ij ri in kiq'eleben y man jun achike ta roma. Jak'a yin kan ninya' rejqalen ri ach'abel.

Wuj Richin ri Jeremías 37:18

Chuqa' xinbij chire: ¿Achike k'a xinmakuj chawech rat o chikiwech ri aj-raqen, o chikiwech ri winaqi' richin ri tinamit richin chi xinaya' pa jul?

1 Sam 20:1

K'ari' ri David xel-pe chiri' pa Naiot richin Ramá richin xpe rik'in ri Jonatán, y xubij chire: ¿Achike k'a nubanon yin? ¿Achike k'a numak nubanon chuwech ri atata' richin yirukanoj y kan nrajo' yirukamisaj?, xcha'.