1 Sam 26:16 - Kaqchiquel Bible

¹⁶ Re xaben, kan man utz ta. Pa rubi' ri Jehová, ninbij chi rat y ri achi'a' ri e awachibilan-pe kan ruk'amon ta richin yixkamisex, roma kan man ichajin ta ri rey ri iwajaw, ri kan cha'on roma ri Jehová. Wakami, tatz'eta' akuchi k'o-wi ri rukum ri rey y ri k'ojelibel ruya' ri k'o kan chunaqaj ri ruch'akat-ruwi', xcha'.

1 Sam 26:16 ပူးပေါင်းရင်းမြစ်များ

2 Sam 12:5

Toq ri David xrak'axaj ri', xyakatej janila royowal chirij ri xbanon keri', y xubij chire ri Natán: Ninya' nutzij chuwech ri Jehová, chi ri xbanon keri' kan ruk'amon richin nikamisex.

2 Sam 19:28

Roma qonojel ri oj aj pa rachoch kan ri numama' kan ruk'amon chi xojakamisaj ta. Man rik'in ri' rat xinawoyoj richin junan yiwa' awik'in pa mesa. ¿Achike ta k'a xtinbij yin chawe rat nu-rey ri k'o chi naben wik'in yin?, xcha'.

1 Rey 2:26

Chirij re' ri rey xubij chire ri sacerdote Abiatar: Katzolin pan aruwach'ulew ri k'o chunaqaj ri tinamit Anatot, roma kan ruk'amon richin xaken yan ta; jak'a xa man ninben ta roma ja rat xatuk'uan ri káxa richin ri Jehová toq k'a k'es na ri nata', y kan xatej k'a poqon rik'in, xcha'.

Wuj Richin Bix Chire ri Dios 102:20

Roma ri' kan xtawak'axaj k'a ri kijiloj ri ek'o pa ximonri'il. Xa xke'awisq'opej k'a el ri ye'apon yan pa kamik,

Wuj Richin Bix Chire ri Dios 79:11

Tabana' utzil tawak'axaj ri kijiloj ri ek'o pa ximonri'il. Rik'in ri nimalej awuchuq'a', ke'ato' richin man ye'apon ta pa kamik.

Efesios 2:3

Qonojel roj keri' chuqa' xqaben ri ojer kan; xojuk'uex roma ri itzel taq qarayibel, ri etzelal ri xeqach'obola' y xeqarayila', jari' ri xeqaben. Kan xqoyoj-wi ri royowal ri Dios pa qawi', roma roj kan pa qalaxik-pe ri man jun utz chiqe, kan oj achi'el ri ch'aqa' chik winaqi'.

1 Sam 20:31

Rokik ri ruk'ajol ri Isaí k'es, rat man q'alaj ta xtaq'et kan tzij. Wakami k'a kabiyin, y tabek'ama-pe ri David, roma rija' ruk'amon nikamisex, xcha'.

1 Sam 24:6

K'ari' xubij chike ri aj-labal: Kan ja ta k'a ri Jehová xkito'on richin man jun ta itzel xtinben chire ri rey, roma rija' kan cha'on roma ri Jehová, xcha' ri David.

1 Sam 26:11

Jak'a ri Jehová xkiruto' richin man ta xtinjeluj nuq'a' chirij ri cha'on roma Rija'. Wakami k'a, tak'uaj-el la rukum ri k'o chunaqaj la ruch'akat-ruwi' y la ruk'ojelibal-ruya', y jo', xcha'.

1 Sam 26:15

Y ri David xubij chire ri Abner: Rat kan at jun achin y kan man jun achoq ik'in xkajunamex-wi chikikojol ri qawinaq. ¿Achike roma man achajin ta jebel ri rey ri awajaw? Roma k'o jun ri xok-apo richin xrajo' xberukamisaj kan ri rey ri awajaw.

1 Sam 26:9

Jak'a ri David xubij chire: Man takamisaj roma ri achike xtikamisan richin ri rey ri kan cha'on roma ri Jehová, kan xtiqaqa rutojbalil pa ruwi'.