1 Sam 26:15 - Kaqchiquel Bible

¹⁵ Y ri David xubij chire ri Abner: Rat kan at jun achin y kan man jun achoq ik'in xkajunamex-wi chikikojol ri qawinaq. ¿Achike roma man achajin ta jebel ri rey ri awajaw? Roma k'o jun ri xok-apo richin xrajo' xberukamisaj kan ri rey ri awajaw.

1 Sam 26:15 ပူးပေါင်းရင်းမြစ်များ

2 Sam 3:38

K'ari' ri David xch'on kik'in ri e aj-raqen ri ek'o chiri' y xubij chike: Rix xitz'et chi wakami xken jun chike ri tata'al, jun achin ri nim ruq'ij chupan re qaruwach'ulew Israel.

Dn 4:19

Toq xrak'axaj ronojel re' ri Daniel kan xpax ránima y jun xk'oje-wi chuch'obik, y keri' k'a xk'oje' jubama jun hora. Kan janila k'a xuxibij-ri' y roma ri' yin Nabucodonosor xinbij chire: Beltsasar, man tach'ujirisaj-awi' rik'in ri wachik', y ri nel chi tzij, xicha' chire. K'ari' rija' xubij chuwe: Wajaw yin, re achik' re' kan ta pa kiwi' ri e etzelanel awichin xtiqaqa-wi. Ri nel chi tzij re achik' re', kan ta k'a ja ri itzel nikirayij chawij ri xkek'uluman.

San Mateo 26:40

Toq rija' xk'achoj chire ri ch'owen rik'in ri Dios, xpe kik'in ri e oxi' rutijoxela', jak'a toq xoqaqa kik'in, rije' xa jebel yewer. K'ari' rija' xubij chire ri Pedro: ¿Kan man juba' xixtikir xixk'ase' jun ti hora wik'in?

1 Sam 26:14

Y rija' xsik'in k'a apo chike ri aj-labal y chire ri Abner y xubij: Abner, tak'uluba' k'a pe ri nuch'abel, xcha'. Y ri Abner xubij: ¿At achike k'a rat richin yasik'in-pe chirij ri rey?, xcha'.

1 Sam 26:16

Re xaben, kan man utz ta. Pa rubi' ri Jehová, ninbij chi rat y ri achi'a' ri e awachibilan-pe kan ruk'amon ta richin yixkamisex, roma kan man ichajin ta ri rey ri iwajaw, ri kan cha'on roma ri Jehová. Wakami, tatz'eta' akuchi k'o-wi ri rukum ri rey y ri k'ojelibel ruya' ri k'o kan chunaqaj ri ruch'akat-ruwi', xcha'.