1 Sam 26:11 - Kaqchiquel Bible

¹¹ Jak'a ri Jehová xkiruto' richin man ta xtinjeluj nuq'a' chirij ri cha'on roma Rija'. Wakami k'a, tak'uaj-el la rukum ri k'o chunaqaj la ruch'akat-ruwi' y la ruk'ojelibal-ruya', y jo', xcha'.

1 Sam 26:11 ပူးပေါင်းရင်းမြစ်များ

2 Sam 1:14

Y ri David xubij k'a chire: ¿Man xak'en ta k'a rukiy toq xakamisaj ri rey ri rucha'on ri Jehová?, xcha'.

2 Sam 1:16

Y toq niken yan qa, jari' toq ri David xubij chire: Ja rat k'o amak roma kan xaya' chawij chi ja rat xakamisan ri rey ri rucha'on ri Jehová, xcha'.

2 Sam 19:22

Jak'a ri David xubij: ¿Achike roma toq ja rix ri yixbin-pe chuwe ri k'o chi ninben? Roma ronojel re' kan pa nuq'a' yin k'o-wi. Rix kan iwetaman chik jebel chi yin in rey richin ri tinamit Israel. ¿Y achike k'a roma toq xa xixok-qa etzelanel wichin? Yin kan ninbij k'a chi chupan chijun ri qaruwach'ulew Israel kan man jun xtiken chupan re q'ij re', xcha'.

Wuj Richin Bix Chire ri Dios 17:4

Yin man xtinben ta achi'el ri nikiben ri ch'aqa' chik winaqi', ri nubanobal kan achi'el k'a ri nubij ri ach'abel, kan nuch'aron k'a wi' chire ri kibey ri e banoy taq etzelal.

Romanos 12:17

Wi k'o jun wineq ri k'o itzel nuben chiwe, man tiben itzel chire. Jantape' tik'uaj jun k'aslen utz chikiwech konojel winaqi'.

Romanos 12:19

Rix ri yalan yixinwajo', ninbij k'a chiwe chi wi ek'o ri yebanon itzel chiwe, man tiben ruk'exel chike. Xa tiya' pa ruq'a' ri Dios, roma ja rija' ri xtiya'on rutojbalil ri itzel taq kibanobal, kan achi'el ri nubij ri ruch'abel ri Dios ri tz'ibatel kan:*f47* Pa nuq'a' yin k'o-wi ri ruk'ayewal y ninya' rutojbalil chike ri yemakun, nicha'.

1 Pedro 3:9

Y toq niban jun itzel chiwe, man tiben ruk'exel. Y toq nibix ch'abel ri janila e poqon chiwe, man tibij jun chik ch'abel keri'. Xa tik'utuj chire ri Dios chi xtrurtisaj ri wineq ri', roma ri Dios kan ix royon richin niben ri utz, y nrajo' chi rix nik'ul urtisanik.

1 Sam 12:3

Wakami k'a jare' ink'o chiwech. Tiq'alajirisaj ronojel chuwij chuwech ri Jehová y chuwech ri rey. Wi jun chiwe rix ri weleq'an ri rubóyix o ri rubur, tubij. O wi k'o jun nutz'ukun-tzij chirij o nuyoq'on ta, o wi k'o jun ri in rupuaqin, tibij-pe; y xtintzolij chire, xcha' ri Samuel chike.

1 Sam 24:12

Wakami k'a kan ja ta k'a ri Jehová xtiq'aton-tzij chiqakojol roj oj ka'i'. Ja ta k'a ri Jehová xtiya'on ruk'exel chawe. Jak'a yin kan man xtinjeluj ta ri nuq'a' chawij.

1 Sam 24:4

Jari' toq ri aj-labal e richin ri David xkibij chire: Ja q'ij re' ri rubin ri Jehová chawe, chi xtujech ri Saúl pan aq'a'. Tabana' k'a rik'in achike nawajo' rat, xecha'. K'ari' ri David xyakatej-q'anej y eqal-eqal xtzale-apo rik'in, y chiri' xutzak'ij kan juba' ri ruchi' ri rutziaq ri Saúl.

1 Sam 24:6

K'ari' xubij chike ri aj-labal: Kan ja ta k'a ri Jehová xkito'on richin man jun ta itzel xtinben chire ri rey, roma rija' kan cha'on roma ri Jehová, xcha' ri David.