1 Sam 26:10 - Kaqchiquel Bible

¹⁰ Kan k'es ri Jehová, chi kan ja rija' ri xtikamisan richin toq xtapon ruq'ij y xtiken, o toq xtibe pa jun oyowal chiri' xtiken-wi.

1 Sam 26:10 ပူးပေါင်းရင်းမြစ်များ

Deut 31:14

K'ari' ri Jehová xubij chire ri Moisés: Wakami naqaj chik k'a k'o-apo ri q'ij richin ri akamik, roma ri' tataqa' royoxik ri Josué y tak'uaj chupan ri wachoch richin molojri'il, richin xtinbij chire ri ruk'amon chi nuben, xcha'. Keri' ri Moisés y ri Josué junan xebe chupan ri jay richin molojri'il,

Wuj Richin ri Rutikeribel 47:29

Y toq rija' xuna' chi nibeken yan, xuteq k'a royoxik ri José y xubij chire: Wi kan qitzij janila yinawajo', taya-pe la aq'a' chukojol ri wa', wi najoyowaj nuwech y wi kan qitzij ri nabij. Nink'utuj k'a utzil chawe chi man yinamuq ta re wawe' pan Egipto.

Romanos 12:19

Rix ri yalan yixinwajo', ninbij k'a chiwe chi wi ek'o ri yebanon itzel chiwe, man tiben ruk'exel chike. Xa tiya' pa ruq'a' ri Dios, roma ja rija' ri xtiya'on rutojbalil ri itzel taq kibanobal, kan achi'el ri nubij ri ruch'abel ri Dios ri tz'ibatel kan:*f47* Pa nuq'a' yin k'o-wi ri ruk'ayewal y ninya' rutojbalil chike ri yemakun, nicha'.

Wuj Richin Bix Chire ri Dios 37:13

Jak'a ri Dios kan nitze'en chikij, roma retaman chi xa napon jun q'ij richin nikik'ul rutojbalil.

1 Sam 31:6

Keri' k'a xkiben chupan ri q'ij toq xken ri Saúl, ri e oxi' ruk'ajol, ri uk'uey rukamisabal y konojel ri achi'a' ri e beneq rik'in.

1 Sam 25:38

Y pa lajuj q'ij ri Jehová xuben chire ri Nabal chi xken.

1 Sam 25:26

Ri Jehová xq'aton awichin richin xaben ta kamik, richin ta xaben ruk'exel chike ri xebanon itzel chawe. Kan ja ta k'a ri Jehová xtibanon chi konojel ri e etzelanel awichin y chuqa' ri nikich'ob itzel chawij, xtikik'uluwachij ta achi'el xtiberuk'uluwachij ri Nabal.

Deut 32:35

Juba-apo ri e etzelanel qichin xtikik'ul ri rutojbalil ri ruk'amon. Chaq k'ate' rije' xkejilijo' y xketzaq. Y kan chi'anin k'a xkek'is jumul.

Apocalipsis 18:8

Y roma ri', xa kan pa jun q'ij k'a xkepe ronojel ruwech ruk'ayewal pa ruwi'; kamik, oq'ej y wayjal. Y pa ruk'isibel xa xtiya'ox ruq'aq'al roma ri niq'aton-tzij pa ruwi' kan ja ri ajaw Dios ri kan k'o ronojel uchuq'a' pa ruq'a', xcha'.

Hebreos 9:27

Y achi'el k'a chi qonojel roj winaqi' ya'on pa qawi' chi xaxe jun bey yojken, y k'ari' xtiq'at-tzij pa qawi',

San Lucas 18:7

K'a ta la' chik k'a ri Dios chi man ta xtuben ruchojmilal pa kiwi' ri winaqi' ri e rucha'on chik rija' ri chi paq'ij chi chaq'a' yech'on rik'in. ¿Man chi'anin ta kami xkeruto-pe?

Wuj Richin ri Molojri'il 3:2

Napon k'a ruq'ijul ri alaxik, y chuqa' napon ruq'ijul ri kamik. Napon k'a ruq'ijul richin niban-qa ri tiko'n, chuqa' napon ruq'ijul richin nik'ol ri tikon-qa.

Wuj Richin Bix Chire ri Dios 94:23

Rat Jehová kan xtaben k'a chi ri kimak ri e banoy taq etzelal kan xtikejqalej rije'. Kan xke'ak'is k'a chupan ri kimak. Kan jak'a rat Jehová ri at qa-Dios ri xkabanon keri' chike ri winaqi' ri'.

Wuj Richin Bix Chire ri Dios 37:10

Roma juba' apo chik, ri banoy etzelal kan man xtik'oje' ta chik. Stape' xtikanox, man xtilitej ta.

Wuj Richin ri Achin Job 14:14

Wi ri wineq niken, y nik'ase' ta chik jun bey, yin kan ronojel ta q'ij chire ri nuk'aslen xtinwoyobej-apo. Xtinwoyobej k'a toq xtoqaqa na ri q'ij richin yinok-el jun wineq k'ak'a'.

Wuj Richin ri Achin Job 14:5

Kan ja rat k'a ri yabin ri janipe' q'ij ruk'aslen naya' jun wineq. Ja rat chuqa' yabin janipe' ik' nik'ase' ri wineq. Kan ja rat yabin akuchi napon-wi ri ruk'aslen, y ri wineq man nitikir ta niq'ax jun ti ramaj chire ri ruk'aslen ri abin rat.

Wuj Richin ri Achin Job 7:1

Ri ruk'aslen ri wineq chuwech re chuwach'ulew xa kan janila k'ayew. junan rik'in ri ruk'aslen jun achin ri nitijox richin nibe pan oyowal; y kan junan chuqa' ruk'aslen rik'in jun aj-chiq'ij samajel ri k'o chi kow nisamej.

1 Sam 24:15

Kan ja ri Jehová ri xtiq'aton-tzij pa qawi' roj oj ka'i'. Kan ja k'a rija' xtitz'eton ri nuk'aslen y kan xkiruto' pan aq'a' rat, xcha' ri David chire ri Saúl.

Hebreos 10:30

Y roj qetaman k'a achike ri biyon chi pa ruq'a' rija' k'o-wi ri ruk'ayewal, y nuya' rutojbalil chike ri yemakun. Chuqa' chupan ri ruch'abel ri Dios nubij: Ri ajaw xtuq'et-tzij pa ruwi' ri rutinamit, nicha'.

1 Sam 24:12

Wakami k'a kan ja ta k'a ri Jehová xtiq'aton-tzij chiqakojol roj oj ka'i'. Ja ta k'a ri Jehová xtiya'on ruk'exel chawe. Jak'a yin kan man xtinjeluj ta ri nuq'a' chawij.

1 Sam 25:39

Y toq ri David xrak'axaj chi ri Nabal xken yan, rija' xubij: Nim ruwa-ruq'ij ri Jehová roma kan ja rija' xq'aton-tzij pa ruwi' ri Nabal, y xuya' rutojbalil pa ruwi' roma xuqasaj nuq'ij. Chuqa' ri Jehová kan xiruq'et chi yin man xinben ta ri itzel chire ri Nabal, y xa kan pa ruwi' k'a rija' xqaqa-wi ri rumak, xcha'. K'ari' ri David xeruteq-el rusamajela' rik'in ri Abigail richin yech'on rik'in.

1 Sam 31:4

Roma ri' xubij chire ri achin uk'uey rukamisabal: Tawelesaj la a-espada y kinakamisaj, richin chi man yepe ta ri achi'a' ri man ketaman ta ruwech ri Dios, y ja rije' xkekamisan wichin y xketze'en chuwij, xcha'. Jak'a ri uk'uey ri rukamisabal man xrajo' ta xukamisaj, roma janila xuxibij-ri'. K'ari' ri Saúl xuchop ri ru-espada y xuk'eq-ri' chutza'n y xukamisaj-ri'.