1 Sam 25:8 - Kaqchiquel Bible

⁸ Tak'utuj na pe chike ri asamajela', y rije' xkebin chawe. Wakami k'a, ja q'ij re' richin nimaq'ij y roma ri' tabana' k'a pe utzil chike re alaboni' re'. Xtaya' ta pe chike rije' ri nink'utuj-el chawe. Ri achike ta k'o awik'in richin nitij, xtasipaj ta pe juba' chiqe, xcha-el ri David.

1 Sam 25:8 ပူးပေါင်းရင်းမြစ်များ

Ester 9:19

Konojel ri ch'aqa' chik judío ri ek'o pa ronojel tinamit y ri kokoj taq tinamit ri man e sutin ta kij chi tz'aq, rije' yenimaq'ijun ri q'ij kajlajuj chire ri ik' Adar. Rik'in janila kikoten xenimaq'ijun; xkibanala' nima-wa'in y xesipalon chikiwech rije'.

Ester 9:22

Y ri q'ij ri', jari' toq ri judío xekik'is konojel ri e etzelanel kichin. Ri ik' ri' kan richin k'a bis, raqoj-chi'ij y q'axo'n; jak'a pa ruk'exel ri' xa xok ik' richin kikoten y richin nimaq'ij toq xekibanala' nima'q taq wa'in, xesipalon chikiwech-qa rije', y chuqa' xekiyala' sipanik chike ri man jun k'o kik'in.

Wuj Richin ri Molojri'il 11:2

Ri k'o awik'in kan junan k'a takusaj kik'in konojel ri winaqi', stape' kan man awetaman ta ri achike ri nuk'en-pe chawe ri chua'q ri kabij.

San Lucas 11:41

Rix toq k'o niya' chike ri man jun k'o kik'in, k'o chi nalex-pe rik'in jun iwánima ch'ajch'oj, richin keri' chuwech ri Dios ronojel ch'ajch'oj.

1 Sam 24:11

Wajaw yin, tatz'eta' re ruchi' ri ko'ol raqen atziaq re k'o pa nuq'a'. Yin kan xintzak'ij kan, retal richin man xatinkamisaj ta. Tawetamaj k'a chi yin man jun itzel k'o pa wánima chawij rat, ni man yatinq'ol ta. Y rat yinakanoj richin nawelesaj ri nuk'aslen.

1 Sam 25:9

Y toq xe'apon ri alaboni' ri e taqon-el roma ri David, xkibij chire ri Nabal ri ch'abel ri bin-el chike. Y xkoyobej ri achike nubij rija'.

1 Sam 3:6

Y xoyox chik k'a jun bey ri Samuel roma ri Jehová. Y ri Samuel xyakatej chik el jun bey y xbe rik'in ri Elí, y xubij chire: Jare' ink'o táta, xcha'. Y ri Elí xubij chik jun bey chire chi maneq royon y tibekotz'e' chik.