1 Sam 25:7 - Kaqchiquel Bible

⁷ Yin xinnabej chi rat yatajin chusokaxik-kij ri akarne'l. Ninwajo' k'a chi nawetamaj chi janipe' xek'oje' ri ayuq'unela' chiqakojol roj re wawe' pa Carmel, kan man jun itzel xqaben chike, ni man jun xqamej chike.

1 Sam 25:7 ပူးပေါင်းရင်းမြစ်များ

1 Sam 25:21

Ri David k'a juba' tubij-qa: Xa man jun ajk'a xuq'ajuj ri xqachajij ri rukarne'l ri Nabal ri ek'o pa tz'iran ruwach'ulew richin man jun xsach kan chike, xa rik'in itzel xutojbej-wi ri utzil ri xqaben roj chire.

Filipenses 4:8

Wach'alal, pa ruk'isibel ninwajo' k'a ninnataj chiwe, chi ri ruk'amon nich'ob, ja ri qitzij, ri choj, ri ch'ajch'oj, ri jebel, ronojel ri k'o utzilej rutzijol, y ri kan ruk'amon richin niya'ox ruq'ij. Ronojel re' kan jare' ri tich'obo'.

Filipenses 2:15

Richin keri' kan niq'alajin chi kan utz wi ri ik'aslen, y man ta jun itzel nilitej chiwij. Tiq'alajin k'a chi ix ralk'ual ri Dios, y chi man jun etzelal k'o pan iwánima, stape' ixk'o chuwech re ruwach'ulew chikikojol winaqi' ri man choj ta kik'aslen; ri kan e sachineq-wi rik'in ri kich'obonik. Ja rix k'a ri yixsaqirisan kichin ri winaqi' ri' roma ja rix ri ix achi'el rusaqil ri ruwach'ulew,

San Lucas 3:14

Chuqa' ek'o ka'i-oxi' aj-labal, xkik'utuj-apo chire: Roj, ¿achike ruk'amon chi niqaben?, xecha'. Ri Juan xubij chike: Man jun tiwelesaj chuwi kiq'a' ri winaqi', xaxe roma k'o q'atbel-tzij pan iq'a'. Ni man jun achike ke'iq'abala' chikij winaqi'; xa kan kixkikot rik'in ri nich'ek, xcha' chike.

1 Sam 22:2

Chuqa' xkimol-ki' rik'in konojel ri e poqonatajineq, konojel ri k'o kik'as, konojel ri man nikikot ta ri kánima. Y ja ri David xok-el aj-raqen pa kiwi' rije' y xerachibilaj-el más juba' e 400 achi'a'.

2 Sam 13:23

Toq q'axineq chik k'a ka'i' juna', ri Absalón ek'o k'a rusamajela' ri yesokan kisumal karne'l kela' pa tinamit Baal-hazor, ri k'o chunaqaj ri ruwach'ulew Efraín.

2 Sam 13:24

Chuqa' xbe rik'in ri David ri rutata' y xubij chire chi ri rusamajela' rija' nikisokaj kisumal ri karne'l ri pa juyu'. Y xuk'utuj k'a utzil chire ri rutata' chi tibe rik'in, rija' y ri nima'q taq rusamajela'.