1 Sam 25:6 - Kaqchiquel Bible

⁶ Ninwajo' chi nik'oje' uxlanibel-k'u'x awik'in y chuqa' kik'in ri ek'o pan awachoch y konojel ri ek'o awik'in.

1 Sam 25:6 ပူးပေါင်းရင်းမြစ်များ

Wuj Richin ri Rutikeribel 43:23

Y ri samajel xubij chike: Tik'oje' uxlanen pan iwánima y man tixibij-iwi', ri i-Dios, ri ru-Dios chuqa' ri itata', jari' ri xsipan ri beyomel ri' chupan ri i-costal. Roma yin kan xink'ul kan ri méro chuwi-iq'a', xcha' chike. K'ari' xberelesaj-pe ri Simeón y xuk'en-pe k'a kik'in ri rach'alal.

2 Sam 18:28

Y toq ri Ahimaas xapon, rik'in uchuq'a' xch'on-apo chire ri rey y xubij chi xech'akon yan. K'ari' xbexuke' chuwech ri rey y xubij: Nimalej ruq'ij ri Jehová, ri qa-Dios, roma xerujech pa qaq'a' ri xeyakatej chawij, rat wajaw, xcha'.

1 Crón 12:18

Y k'o k'a jun achin rubini'an Amasai, aj-raqen pa kiwi' jun tzobaj achi'a' ri k'o janila kuchuq'a'. Y ri Espíritu richin ri Dios xqaqa-pe pa ruwi' rija' richin xubij chire ri David: Ojk'o awik'in David; Ojk'o awik'in, ruk'ajol ri Isaí; Man oj peteneq ta richin niqaben oyowal awik'in; Y man oj peteneq ta richin niqaben oyowal kik'in ri yeto'on awichin; Roma ri qa-Dios kan at ruto'on, xcha' ri Amasai. Y ri David xeruk'ul k'a chi utzil, y xeruya' aj-raqen pa kiwi' ri aj-labal.

Wuj Richin Bix Chire ri Dios 122:7

Ri uxlanibel-k'u'x kan ta k'a xtik'oje' akuchi sutin-rij chi tz'aq. Chupan ri jay richin q'atbel-tzij kan ta k'a xtik'oje' uxlanen.

Wuj Richin Bix Chire ri Dios 122:8

Roma ri wajowabal pa kiwi' ri wach'alal y ri wachibil, kan xtinbij k'a yin: Ri uxlanibel-k'u'x xtik'oje' rik'in ri tinamit Jerusalem.

San Lucas 10:5

Toq yixapon pa jun jay, k'o chi yixq'ejelon y tik'utuj chi ri uxlanibel-k'u'x richin ri Dios tik'oje' kik'in.

San Juan 14:27

Ri uxlanen ri k'o wik'in yin, kan jari' k'a ri ninya' kan chiwe. Jak'a ri uxlanen ri' man achi'el ta k'a ok ri uxlanen ri nikisuj ri winaqi' ri xa k'a kikuquban na kik'u'x rik'in re ruwach'ulew. Roma ri' man tisach ik'u'x, y man tixibij-iwi'.

1 Tesalonicenses 3:8

Roma rix kan qitzij k'a ikuquban na ik'u'x rik'in ri ajaw Jesucristo, roma ri' kan xojalex xqana' roj toq xqak'axaj.

2 Tesalonicenses 3:16

Qach'alal, ri Jesucristo ri niya'on uxlanen, xtuya' ta k'a uxlanen pa taq iwánima richin jantape', chupan xabachike ri nik'uluwachij. Y xtik'oje' ta k'a iwik'in chi'iwonojel.

1 Timoteo 5:6

Ri malkani' ri xaxe ri kikoten richin re ruwach'ulew nikich'ob, xa e kaminaqi' chik, stape' k'a e k'es na.

1 Sam 25:5

Jari' toq rija' xeruteq-el lajuj alaboni' chiri', y xubij-el chike chi kebiyin-q'anej rik'in ri Nabal pa Carmel, y kere' k'a xubij-el: