1 Sam 25:41 - Kaqchiquel Bible

⁴¹ K'ari' rija' xulukuba-qa-ri' k'a pan ulew y xubij: Jare' ink'o yin ri in rusamajel ri David, richin ninch'ej kaqen ri rusamajela' rija', wi keri' nrajo', xcha' ri Abigail.

1 Sam 25:41 ပူးပေါင်းရင်းမြစ်များ

1 Timoteo 5:10

wi etaman chi kan e utz taq ixoqi', wi e kik'iytisan jebel ri kal, wi jebel e kik'ulun ch'aqa' chik winaqi' pa kachoch, wi ekilin rik'in qasanri'il ri qach'alal ri ye'apon pa kachoch, wi e kito'on ri nikitej poqon, y wi ronojel ruwech utzil e kibanalon.

Wuj Richin ri Rut 2:10

K'ari' ri Rut xulukuba-qa-ri' y kan xuqasaj-qa-ri' k'a pan ulew chuwech ri Booz y xubij chire: ¿Achike roma rat janila utzil naben chuwe, y yin xa man in awinaq ta?, xcha' chire.

Wuj Richin Etamabel-Tzij 18:12

Ri nabey ri nipe pa ránima ri wineq ja ri nunimirisaj-ri' y k'ari' noqaqa ri vululen; jak'a toq noqaqa ri qasanri'il nabey pa ránima ri wineq, nuk'en-pe ri k'ojlemal.

Wuj Richin Etamabel-Tzij 15:33

Ri rukiy ri Jehová chuwech ri wineq, kan jari' ri nik'utun ri na'oj chuwech; roma ri wineq k'o chi nuqasaj-ri' chuwech ri Dios nabey, richin nik'oje' ruq'ij.

Wuj Richin ri Rutikeribel 18:4

wi rix niwajo' yin ninteq ruk'amik ya' richin nich'ej ri iwaqen y yixuxlan na el juba' chuxe' re jun che' re'.

Wuj Richin ri Rut 2:13

Y ri Rut xubij: Táta, kan jantape' ta xtink'ul utzil awik'in, roma ri ch'abel ri xabij chuwe kan xapon k'a pa wánima y janila nukuquba' nuk'u'x, roma kan xach'on wik'in rik'in ajowabel, stape' xa man in asamajel ta, y chuqa' man in jun ta chike ri awaj-ik'a', xcha' ri Rut.

Marcos 1:7

Rija' nuq'alajirisaj chi k'o jun ri xtipe ri más nim ruq'ij ke chuwech rija', y chi man ruk'amon ta richin niluke-qa richin nusol ri ruximibal ri ruxajab.

1 Sam 25:23

Y toq ri Abigail xutz'et-apo ri David, jari' toq chi'anin xqaqa-qa chirij ri bur, y xulukuba-qa-ri' chuwech, k'a pan ulew.

1 Sam 25:40

Y ri rusamajela' ri David, xebe pa Carmel rik'in ri Abigail, y xbekibij chire: Ri David oj rutaqon-pe richin yatqak'uaj-el richin yatok rixjayil, xecha' ri samajela' ri'.