1 Sam 25:39 - Kaqchiquel Bible

³⁹ Y toq ri David xrak'axaj chi ri Nabal xken yan, rija' xubij: Nim ruwa-ruq'ij ri Jehová roma kan ja rija' xq'aton-tzij pa ruwi' ri Nabal, y xuya' rutojbalil pa ruwi' roma xuqasaj nuq'ij. Chuqa' ri Jehová kan xiruq'et chi yin man xinben ta ri itzel chire ri Nabal, y xa kan pa ruwi' k'a rija' xqaqa-wi ri rumak, xcha'. K'ari' ri David xeruteq-el rusamajela' rik'in ri Abigail richin yech'on rik'in.

1 Sam 25:39 ပူးပေါင်းရင်းမြစ်များ

Wuj Richin Etamabel-Tzij 22:23

Roma kan ja ri Jehová ri xtich'on pa kiwi' rije', richin chi yeruto', y ri xkejachon pa kamik ri winaqi' ri', rija' kan xtrelesaj chuqa' ri kik'aslen.

1 Sam 25:34

Roma wi man ta xaniman-pe richin xinak'ulu-el, ri chua'q toq xtiseqer-q'anej kan man jun ta chik ri achi'a' aj pan iwachoch ri e k'es. Yin kan chuwech k'a ri Jehová ri qa-Dios ninbij ri qitzij, xcha' ri David.

1 Sam 25:26

Ri Jehová xq'aton awichin richin xaben ta kamik, richin ta xaben ruk'exel chike ri xebanon itzel chawe. Kan ja ta k'a ri Jehová xtibanon chi konojel ri e etzelanel awichin y chuqa' ri nikich'ob itzel chawij, xtikik'uluwachij ta achi'el xtiberuk'uluwachij ri Nabal.

Wuj Richin Bix Chire ri Dios 7:16

Ri rumak xa pa ruwi' k'a rija' xtiqaqa-wi; kan pa ruwi' k'a rija' xtapon-wi ri itzel taq rubanobal.

1 Rey 2:44

Chuqa' xubij chire ri Simí: Rat jebel awetaman chi ri xaben chire ri David ri nata' kan man utz ta, y roma ri itzel ri xaben, ri Jehová kan xtuya' rutojbalil pan awi' wakami.

1 Sam 25:32

K'ari' ri David xubij chire ri Abigail: Nim ruwa-ruq'ij ri Jehová Dios qichin roj, roma kan xaruteq-pe richin xojak'ulu-el wawe'.

1 Sam 24:15

Kan ja ri Jehová ri xtiq'aton-tzij pa qawi' roj oj ka'i'. Kan ja k'a rija' xtitz'eton ri nuk'aslen y kan xkiruto' pan aq'a' rat, xcha' ri David chire ri Saúl.

2 Timoteo 4:18

Y yin wetaman chi ri Dios xtikolon wichin chupan ronojel etzelal. Chuqa' wetaman chi xkiruchajij richin keri' xkinok chupan ri ruq'atbel-tzij chila' chikaj. Rija' kan xtuk'ul ta ruq'ij-ruk'ojlen richin tibe-q'ij tibe-seq. Kan keri' ta k'a.

1 Tesalonicenses 5:23

Rix iwetaman chi ja ri Dios ri niya'on uxlanen pa taq iwánima. Y ninwajo' k'a chi rija' yixruch'er richin kan ix richin rija'. Ninwajo' chi xtuchajij ta ri ik'aslen, ri iwánima y ri ich'akul, richin keri' man jun itzel nilitej chiwij toq xtipe chik jun bey ri qajaw Jesucristo.

Wuj Richin ri Miqueas 7:9

Roma roj kan xojmakun chuwech ri Jehová, jak'a xtiqakoch' ri royowal. Rokik ri', rija' xutz'et ri xqaben, y ja k'a rija' xtibin chi maneq qamak. Chirij ri' ri Jehová kan xtuya' chik ri saqil chiqe, y xtiqatz'et chi rija' kan choj pa qawi'.

Wuj Richin ri Nimalej Bix 8:8

K'o jun ti qana' ri k'a ti ko'ol na, y k'a man jani tik'iy-q'anej. ¿Achike k'a xtiqaben rik'in wi xtik'utux?

Wuj Richin Etamabel-Tzij 31:30

Ri jebejoj ok nitzu'un jun ixoq y ri jebel rubanik, xa chi'anin niq'ax; jak'a ri ixoq ri kan k'o rukiy ri Jehová chuwech, kan xtinimirisex ruq'ij.

Wuj Richin Etamabel-Tzij 31:10

¿Nitikir kami jun achin nril jun ixoq ri kan retaman nisamej y kan rik'in ronojel ránima nisamej? Roma jun ixoq keri', kan más rejqalen chikiwech ri jebelej taq abej ri janila nim kajel.

Wuj Richin Etamabel-Tzij 19:14

Ri jay y ronojel ruwech beyomel, kan ja ri tata'aj ri yeya'on kan chike ri kalk'ual; jak'a jun ixjayilonel ri kan k'o runa'oj, kan ja ri Jehová ri nisipan chire ri achin.

Wuj Richin Etamabel-Tzij 18:22

Ri achin ri kan nril rixjayil, janila jebel; roma kan nril-wi k'a ri rutzil ri Jehová.

Ester 7:10

Keri', ri Amán xtzeqebex k'a chutza'n ri che' ri', pa ruk'exel ri Mardoqueo. Y rik'in k'a ri' xik'o-qa ri royowal ri rey Asuero.

Wuj Kichin ri To'onela' 5:2

Qaya' ruq'ij ri Jehová, roma kan k'a ek'o achi'a' pan Israel, ri kan xeq'ax chikiwech ri aj-labal; achi'a' ri kan xkisuj-ki' rik'in ronojel kánima roma ri kitinamit.

2 Corintios 13:7

Roj kan niqak'utuj-wi k'a chire ri Dios chi yixruto' ta y man ta jun etzelal niben. Re' man niqaben ta xaxe richin chi rix ninabej chi kan oj k'ulun chik roma ri Dios. Ri niqajo' chiwe rix ja ta chi ja ri utz ri niben, stape' man xtiq'alajin ta chiwech chi roj kan oj k'ulun chik roma ri Dios.

1 Sam 25:40

Y ri rusamajela' ri David, xebe pa Carmel rik'in ri Abigail, y xbekibij chire: Ri David oj rutaqon-pe richin yatqak'uaj-el richin yatok rixjayil, xecha' ri samajela' ri'.

1 Sam 26:10

Kan k'es ri Jehová, chi kan ja rija' ri xtikamisan richin toq xtapon ruq'ij y xtiken, o toq xtibe pa jun oyowal chiri' xtiken-wi.

2 Sam 1:16

Y toq niken yan qa, jari' toq ri David xubij chire: Ja rat k'o amak roma kan xaya' chawij chi ja rat xakamisan ri rey ri rucha'on ri Jehová, xcha'.

Ester 9:25

Jari' k'a toq ri reina Ester xapon chuwech ri rey, toq xubij chi titz'ibex chuwech jun wuj, ronojel ri etzelal ri xuch'ob ri Amán chikij ri judío, xa kan chirij k'a rija' tiqaqa-wi, y chi titzeqebex rija' y ri e lajuj ruk'ajol.

Wuj Richin Bix Chire ri Dios 9:5

Xaben k'a chike ri winaqi' richin ri ruwach'ulew chi xkixibij-ki'; xe'ak'is k'a ri e banoy taq etzelal; xaben chi ri kibi' man jun bey chik xnatex chuwech re ruwach'ulew.