1 Sam 25:36 - Kaqchiquel Bible

³⁶ K'ari' ri Abigail xtzolin-el y toq xapon chirachoch, ri Nabal najin chubanik jun nimaq'ij achi'el nikiben ri rey. Y roma ri ruq'abarik kan janila nikikot ri ránima y roma ri' chupan ri q'ij ri', ri Abigail man jun xubij chire k'a ja toq xseqer-q'anej ri ruka'n q'ij.

1 Sam 25:36 ပူးပေါင်းရင်းမြစ်များ

Wuj Richin Etamabel-Tzij 20:1

Ri vino nuben chire ri wineq chi maneq ruk'ix y ri ruya'al manzana ch'amirineq nuben chire chi nuben oyowal; y ri winaqi' ri yeqaqa pa kiq'a' ri q'abarisanel taq ya' ri', kan maneq k'a utzilej na'oj kik'in.

2 Sam 13:28

Y ri Absalón xubij chike ri e rusamajela' chi toq xtikitz'et chi ri ránima ri Amnón kan nikikot roma ri vino; y toq rija' xtubij chi tikikamisaj, kan jari' xtikikamisaj, y man tikixibij-ki', roma ja rija' ri xbin. Y xubij chuqa' chi tikitija' kiq'ij richin nikiben, y man tikixibij-ki'.

2 Sam 13:23

Toq q'axineq chik k'a ka'i' juna', ri Absalón ek'o k'a rusamajela' ri yesokan kisumal karne'l kela' pa tinamit Baal-hazor, ri k'o chunaqaj ri ruwach'ulew Efraín.

1 Sam 25:19

K'ari' xubij chike ri rusamajela': Kixik'o-el chinuwech y yin xkixintzeqelibej-el, xcha'. Y kan man jun xubij kan chire ri rachijil.

Romanos 13:13

Roj ojk'o chik chupan ri saqil y roma ri' k'o chi niqak'uaj jun k'aslen utz. Man ruk'amon ta chi yojq'aber, ni yojbe pa taq nima-wa'in akuchi ri winaqi' man nikiq'et ta ki'. Man ruk'amon ta chi ri achi'a' y ri ixoqi' nikikanola-ki' richin yemakun; man jun k'a ruwech etzelal re kere' tiqaben. Man tik'oje' oyowal ni ri ch'upun-k'u'x chiqakojol.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

Efesios 5:18

Man kixq'aber, roma ruyon itzel nuk'en-pe chiwe. Pa ruk'exel ri' tiya' q'ij chire ri Loq'olej Espíritu chi yixruyuqej.

Efesios 5:14

Roma ri' k'o jun tzij ri nubij: Rat ri xa achapon waran, tuna' k'a awech; kayakatej-pe chikikojol ri kaminaqi'. y ri Cristo xtusaqirisaj ri ak'aslen, nicha'.

San Lucas 21:34

Tichajij k'a ri ik'aslen. Man tibe iwánima chikij ri nimaq'ij; man kixq'aber y chuqa' man xaxe ri nik'atzin chiwe chuwech re ruwach'ulew ri nich'ob, y k'a toq xtina', xa jari' xoqaqa ri q'ij, richin chi yin xkinoqaqa.

San Lucas 14:12

Ri Jesús xubij k'a chuqa' chire ri xoyon richin: Toq nawajo' k'a chi k'o yepe awik'in richin jun wa'in, man k'a ke'awoyoj xaxe ri kan e awachibil, ni ri ach'alalri'il ri e awichin rat y ni ri e awachk'uljay ri e beyoma', roma rije' kan yetikir chuqa' yatkoyoj richin jun wa'in ri pa kachoch, y rik'in ri' nak'ul yan el ri rajel-ruk'exel.

Wuj Richin ri Nahum 1:10

Ri e etzelanel kan kisuq'un-ki' chupan jun k'ix ri man yetikir ta chik nikikol-ki'. Chuqa' kan achi'el nuben jun q'abarel. Kan xkek'is k'a achi'el ri chaqi'j k'im.

Os 4:11

Ri itzel banobel y ri vino kan nuben chi ri nutinamit nisach ruk'u'x y man nuna' ta ri achike yeruben.

Wuj Richin ri Jeremías 51:57

Yin Jehová ri k'o ronojel uchuq'a' wik'in y ri in rey ninbij chi ri e aj-raqen richin ri ruwach'ulew Babilonia, ri e aj-na'oj y ri e q'atbel taq tzij y ri e aj-labal kan xkenq'abarisaj y kan xkeken k'a chi waran richin q'asen y kan man xkek'astej ta chik pe.

Wuj Richin ri Isaías 28:3

Konojel ri q'abarela' aj-Samaria janila kinimirisan-ki' roma ri kitinamit, jak'a ri tinamit ri' xtipitz' kan.

Wuj Richin ri Isaías 5:11

Kan toq'ex k'a iwech rix ri kan nimaq'a' yan nichop q'abarik. Kan yixukusan k'a aq'a' richin yixq'aber y kan k'a niq'aq'er na ri ijolon.

Wuj Richin ri Molojri'il 10:19

Jun nimaq'ij niban richin nuk'en-pe kikoten, ri vino niqum richin nik'ases ri kik'aslen ri k'a e k'es na, y ronojel re' kan ja ri méro ri nibanon.

Wuj Richin Bix Chire ri Dios 112:5

Ri utzilej wineq k'o joyowanik rik'in y k'o nuya' pa qajik, ri wineq ri' nik'ayin y niloq'on pa ruchojmilal.

1 Rey 20:16

Y rije' xe'el k'a el pa tinamit Samaria pa nik'aj-q'ij; y ri Ben-hadad y ri e juwineq kablajuj rey ri e peteneq rik'in xa xeq'aber-qa chiri' akuchi ek'o-wi-qa.

1 Sam 25:37

Chupan ri nimaq'a' ri' toq xq'ax yan ri ruchuq'a' ri q'abarik chuwech ri Nabal, k'ari' toq ri Abigail xutzijoj-apo chire ri rachijil ronojel ri xbanatej. Y jari' toq ri Nabal kan xmayamo-qa ri ránima y xpe jun sikirinen chire ri ruch'akul, xk'oje' kan achi'el jun abej.

2 Sam 3:20

Y ri Abner xapon k'a rik'in ri David chiri' pan Hebrón, y e rachibilan-el e juwineq achi'a'. Y ri David xuben k'a jun nimalej wa'in roma xapon ri Abner.