1 Sam 25:33 - Kaqchiquel Bible

³³ Y chuqa' rat nim ruwa-aq'ij, roma ri utzilej ach'obonik roma xinaq'et richin man xinben ta re kamik re' y kan xaben chuwe richin man ja ta yin yiya'on ruk'exel.

1 Sam 25:33 ပူးပေါင်းရင်းမြစ်များ

1 Sam 25:26

Ri Jehová xq'aton awichin richin xaben ta kamik, richin ta xaben ruk'exel chike ri xebanon itzel chawe. Kan ja ta k'a ri Jehová xtibanon chi konojel ri e etzelanel awichin y chuqa' ri nikich'ob itzel chawij, xtikik'uluwachij ta achi'el xtiberuk'uluwachij ri Nabal.

Wuj Richin Etamabel-Tzij 28:23

Ri wineq ri nibin chire jun chik chi tuchojmirisaj ri rubanobal, xtimatioxix chire toq k'iy yan q'ij tiq'ax, kan janila xtimatioxix chire, más ke chuwech xa ta xunimirisaj ruq'ij.

Wuj Richin Etamabel-Tzij 27:21

Ri saqipueq kan ch'ajch'oj k'a, toq kan xya'erisex yan chupan ri ruk'ojelibal; ri q'anapueq kan ch'ajch'oj chik chuqa', toq kan xya'erisex yan chupan ri horno; keri' ri wineq kan netamex ri achike rija', rik'in ri ruk'ojlen ri nikiya' ri winaqi'.

Wuj Richin Etamabel-Tzij 25:12

Achi'el rejqalen ri ruwi' ixkinaj ri banon rik'in q'anapueq y ronojel ruwech wiqobel ri kan e q'anapueq chuqa', kan keri' rejqalen ri ruch'abel ri aj-na'oj, chuwech ri jun ri kan nuben ri nrak'axaj.

Wuj Richin Etamabel-Tzij 17:10

Jun wineq ri kan k'o retamabal, xaxe rik'in nich'olix jun bey nretamaj; jak'a ri wineq ri xa maneq runa'oj, stape' janila k'iy mul nich'ay man nretamaj ta.

Wuj Richin Etamabel-Tzij 9:9

Kan tiya' k'a más rutzil chuwech ri aj-na'oj y xtik'oje' más runa'oj. kan titijoj k'a ri wineq choj ruk'aslen y rija' xtinimer más retamabal.

Wuj Richin Bix Chire ri Dios 141:5

Wi ta jun wineq ri choj ruk'aslen yirujich'aj, ri' kan jun utzil chuwe yin, y wi yiruch'olij, kan jun k'a jubulej aq'om chuwe yin. Ronojel re' yin man ninwixowaj ta, roma utz nuben chuwe; stape' keri' yin jantape' xkich'on rik'in Dios.*f124*

1 Sam 25:31

Rat man xtibison ta ri awánima roma xe'akamisaj winaqi' ri xa man jun kimak, o xaya' ta ruk'exel chike; man tamestaj k'a wajaw yin, toq ri Dios xtuya' q'ij chawe richin naq'et-tzij, xkinoqaqa ta k'a chi'ak'u'x, xcha' ri Abigail.

1 Sam 24:19

¿Achike ta k'a xtibanon keri', chi toq nuk'ul ri etzelanel richin nuya-el q'ij chire chi nibe y man jun nuben el chire? Roma ri' kan ja ri Jehová xtutzolij rajel ruk'exel chawe re xaben wik'in chupan re q'ij re'.

Ex 22:2

Wi k'o ta jun eleq'om nilitej chaq'a' chupan ri jay ri akuchi nuben-wi eleq', y ri rajaw ri jay rik'in juba' xtukamisaj re eleq'om re' roma xril, re' kan man jun k'a xtiban chire roma ri kamik xuben.

Wuj Richin Etamabel-Tzij 13:14

Ri ralaxbal ri k'aslen nilitej k'a chupan ri tijonik richin ri aj-na'oj; y kan man nuya' ta q'ij richin chi nitzaq jun wineq pa pikbel richin kamik.