1 Sam 25:32 - Kaqchiquel Bible

³² K'ari' ri David xubij chire ri Abigail: Nim ruwa-ruq'ij ri Jehová Dios qichin roj, roma kan xaruteq-pe richin xojak'ulu-el wawe'.

1 Sam 25:32 ပူးပေါင်းရင်းမြစ်များ

San Lucas 1:68

Kan nimalej ruq'ij ri ajaw Dios qichin roj ri oj judío, roma yojrunataj-pe roj ri oj rutinamit, y yojrukol.

Wuj Richin Bix Chire ri Dios 72:18

¡Kan nim k'a ruq'ij ri Jehová Dios, ri Dios richin Israel! Kan xaxe rija' ri nibanon ri meyel taq banobel.

Ex 18:10

Y ri Jetro xubij chuqa': Tiqanimirisaj k'a ruq'ij ri Jehová, ri xelesan-pe iwichin pa kiq'a' ri aj-Egipto y pa ruq'a' ri rey. Xaxe k'a rija' ri xtikir xkolon-pe kichin ri winaqi' ri chiri' pan Egipto.

Wuj Richin ri Rutikeribel 24:27

y xubij: Nim aq'ij-ak'ojlen rat Jehová ru-Dios ri wajaw Abraham y at nu-Dios chuqa' yin, rat janila xajoyowaj ruwech ri wajaw y xaben ri xasuj chire y chuqa' xak'ut ri bey chinuwech yin chi choj xinoqaqa-el pa kachoch ri rach'alal ri wajaw, xcha'.

2 Corintios 8:16

Yin janila k'a yimatioxin chire ri Dios, roma kan xuya' pa ránima ri Tito richin chi janila yixruk'uxla'aj rix, achi'el ninben yin.

Wuj Richin ri Esdras 7:27

K'ari' ri Esdras xch'on rik'in ri Dios y xubij chire: Janila utz ruwa-aq'ij rat Jehová ri qa-Dios, ri chuqa' ki-Dios ri qati't-qamama'. Rat xaya' pa ránima ri rey, richin niya'ox aq'ij chupan ri awachoch, ri k'o pa Jerusalem.

1 Rey 1:48

Y ri rey David xubij: Nim ruwa-ruq'ij ri Jehová ri qa-Dios. Matiox chire richin xuya' q'ij chi jun chike ri wijatzul yin xk'oje' kan pa nuk'exel, y yin kan k'a xintz'et na kan, xcha' ri David, xcha' ri Jonatán chire ri Adonías.

Wuj Richin Bix Chire ri Dios 106:48

Nimalej aq'ij Jehová ri qa-Dios; kan keri' k'a tibe-q'ij tibe-seq. Qonojel roj tiqabij: Kan keri' wi, tinimirisex ruq'ij ri Jehová.

Wuj Richin ri Josúe 22:33

Ri xbix-pe chike kan xqa' k'a chikiwech konojel ri winaqi', y xkiya' k'a ruq'ij ri Jehová ri ki-Dios. Man jun bey chik xkich'ob richin xejote-q'anej richin nibekibana' labal kik'in rije', y chuqa' richin nikiwulaj ri kiruwach'ulew.

1 Rey 8:15

Y xubij k'a: Kan nim k'a ruq'ij-ruk'ojlen ri Jehová ri qa-Dios, roma wakami xbanatej ri rusujun kan chire ri David ri nata', toq xubij chire:

Wuj Richin Bix Chire ri Dios 31:22

Toq yin xik'oje' pa latz', xinch'ob chi kan xinamestaj kan. Jak'a toq xink'utuj to'onik chawe, kan xinawak'axaj k'a chi'anin.