1 Sam 25:31 - Kaqchiquel Bible

³¹ Rat man xtibison ta ri awánima roma xe'akamisaj winaqi' ri xa man jun kimak, o xaya' ta ruk'exel chike; man tamestaj k'a wajaw yin, toq ri Dios xtuya' q'ij chawe richin naq'et-tzij, xkinoqaqa ta k'a chi'ak'u'x, xcha' ri Abigail.

1 Sam 25:31 ပူးပေါင်းရင်းမြစ်များ

Wuj Richin ri Rutikeribel 40:14

Kinoqaqa k'a chi'ak'u'x toq xtiq'ajer ri xinbij chawe. Tabana' utzil kach'on rik'in ri rey, richin chi k'o ta jun q'ij yinel-el wawe'. ¡Tajoyowaj k'a nuwech richin xkinel ta el wawe' chupan re jay re'!

Romanos 12:19

Rix ri yalan yixinwajo', ninbij k'a chiwe chi wi ek'o ri yebanon itzel chiwe, man tiben ruk'exel chike. Xa tiya' pa ruq'a' ri Dios, roma ja rija' ri xtiya'on rutojbalil ri itzel taq kibanobal, kan achi'el ri nubij ri ruch'abel ri Dios ri tz'ibatel kan:*f47* Pa nuq'a' yin k'o-wi ri ruk'ayewal y ninya' rutojbalil chike ri yemakun, nicha'.

2 Corintios 1:12

Ri kikoten ri k'o qik'in roj wakami, kan roma qetaman chi ri qabanobal kan rik'in wi ch'ajch'oj qánima yeqaben, y kan qitzij wi chuwech ri Dios. Man qana'oj ta k'a roj ri niqakusaj, xa kan ja ri na'oj ri qak'ulun rik'in ri Dios. Kan keri' ri qak'aslen ri qak'utun chikiwech ri ek'o chuwech re ruwach'ulew, y más chiwech rix.

Romanos 14:21

Man k'a tiqatej ti'ij, man tiqaqum vino, ni man tiqaben xabachike ri nuben chire jun qach'alal chi nitzaq y numalij ruk'u'x.

San Lucas 23:42

Y ri eleq'om ri' xubij k'a apo chire ri Jesús: Kinoqaqa k'a chi'ak'u'x, toq xkape y ja rat chik ri at rey, xcha'.

Wuj Richin Bix Chire ri Dios 94:1

Nimalej Jehová, ri yaya'on rutojbalil ronojel ri mak, kan tak'utu' k'a awi' rat richin naya' rutojbalil-mak.

2 Sam 22:48

Ja ri Dios ri niya'on ri rutojbalil pa kiwi' ri e etzelanel wichin. Ja rija' ri yejachon pa nuq'a' ri winaqi' ri man nikitzeqelibej ta rija'.

1 Sam 26:23

Y ja ta ri Jehová xtiya'on rajel ruk'exel chuwe achi'el ri ruchojmilal ri xinben, roma rija' kan xarujech pa nuq'a' wakami. Jak'a yin man xinwajo' ta xinjeluj nuq'a' chawij rat ri kan at cha'on roma ri Jehová richin at okineq rey.

1 Sam 25:40

Y ri rusamajela' ri David, xebe pa Carmel rik'in ri Abigail, y xbekibij chire: Ri David oj rutaqon-pe richin yatqak'uaj-el richin yatok rixjayil, xecha' ri samajela' ri'.

1 Sam 25:33

Y chuqa' rat nim ruwa-aq'ij, roma ri utzilej ach'obonik roma xinaq'et richin man xinben ta re kamik re' y kan xaben chuwe richin man ja ta yin yiya'on ruk'exel.

1 Sam 24:15

Kan ja ri Jehová ri xtiq'aton-tzij pa qawi' roj oj ka'i'. Kan ja k'a rija' xtitz'eton ri nuk'aslen y kan xkiruto' pan aq'a' rat, xcha' ri David chire ri Saúl.

1 Sam 25:30

Y keri' toq ri Jehová xtuben awik'in ronojel ri utz ri rusujun chawe, toq xkarujikiba' richin yatok tata'al pa ruwi' ri qaruwach'ulew Israel.