1 Sam 25:29 - Kaqchiquel Bible

²⁹ Stape' kan k'o jun yakatajineq chawij y kan at ruq'eleben richin yarukamisaj, jak'a rat man jun xtak'uluwachij, roma rat kan atk'o pa ruq'a' ri Jehová ri qa-Dios. Jak'a ri kik'aslen ri etzelanel awichin kan xkek'aq ta roma ri Dios achi'el nik'aq jun abej rik'in ri ikeq'.

1 Sam 25:29 ပူးပေါင်းရင်းမြစ်များ

San Juan 17:21

Ninwajo' chi konojel rije' kan junan ta kiwech, achi'el ri qabanon roj, chi xa jun qabanon. Roma rat nata' Dios kan atk'o wik'in yin, y yin, kan ink'o chuqa' awik'in rat. Chuqa' ninwajo' chi rije' junan ta kiwech qik'in roj. Keri' niq'alajin ta chikiwech ri winaqi' ri xa k'a kikuquban na kik'u'x rik'in re ruwach'ulew, chi yin, kan ja rat ri xataqo-pe wichin.

Wuj Richin ri Malaquías 3:17

K'ari' ri Jehová ri k'iytisanel richin ronojel xubij: Rix kan ix achi'el jun beyomel ri janila rejqalen. Y toq xkipe richin nonq'ata-tzij, xtinben chiwe achi'el nuben jun tata'aj chire ri ruk'ajol ri nilin richin.

Wuj Richin ri Jeremías 10:18

Roma ri Jehová nubij chi wakami yixruk'eq-el chupan re qaruwach'ulew, achi'el toq ri ikeq' nuk'eq jun abej. Rija' kan xkixruya' pa tijoj-poqonal y pa ruk'isibel kan xkixchapatej, xicha' chike.

Wuj Richin Bix Chire ri Dios 116:15

Ri Jehová kan nupoqonaj k'a kiwech ri e ralk'ual rija' toq ye'apon chuwech ri kamik.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.

San Juan 17:23

Yin kan xintun-wi' kik'in rije', y rat kan atunun-awi' wik'in yin, richin keri' rije' kan jun ta k'a xtikiben. Y koma rije' xtetamex ta k'a koma ri winaqi' ri k'a kikuquban na kik'u'x rik'in re ruwach'ulew, chi yin ja rat, nata' Dios, ri xataqo-pe wichin.

Wuj Richin Bix Chire ri Dios 66:9

Ja rija' ri yoyon qak'aslen, y kan nuben k'a chiqe richin man yojilijo' ta.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

Deut 33:29

Ri Jehová xkolon iwichin, y kan xuya' janila urtisanik chiwe. Ri Jehová kan yixruchajij y kan yixruto'. Rija' nuben oyowal pan ik'exel rix richin yixch'akon chikij ri etzelanel iwichin, y kan ja rix xkixk'oje' pa kiwi' rije', xcha' ri Moisés.

Wuj Richin ri Rutikeribel 15:1

Toq xbanatej yan ronojel re' ri Jehová xch'on rik'in ri Abram pa jun achi'el achik' y xubij chire: Man taxibij-awi' Abram, xa man jun xtak'uluwachij roma kan ja yin ri xkito'on awichin y ronojel ri xtaben k'o nim rajel ruk'exel xtak'ul, xcha' ri Dios.

San Juan 14:19

Jak'a ri winaqi' ri k'a kikuquban na kik'u'x rik'in re ruwach'ulew, xa juba' chik k'a ok re xkinkitz'et. Jak'a rix kan xkinitz'et-wi. Y roma kan k'o-wi nuk'aslen, rix chuqa' xtik'oje' ik'aslen kere'.

2 Sam 4:8

Y xkik'en k'a pe ri rujolon ri Is-bóset rik'in ri David pan Hebrón y xkibij chire: Re' jare' ri rujolon ri Is-bóset ri ruk'ajol kan ri Saúl ri etzelanel awichin, ri xajowan richin xarukamisaj rat. Jak'a re wakami ri Jehová xuya' ruk'exel chire ri Saúl y ri rijatzul roma ri man utz ta ri xkich'ob chawij, xecha'.

Wuj Richin Bix Chire ri Dios 54:3

Roma kan e k'iy k'a ri man e nuwinaq ta ri e yakatajineq chuwij. E k'iy k'a winaqi' ri janila e itzel, ri yinkikanoj richin yinkikamisaj. Re winaqi' re' kan man yatoqaqa ta k'a chikik'u'x.

Wuj Richin ri Achin Job 27:22

Ri Dios kan k'iy k'a ri xtuteq chirij y man xtujoyowaj ta ruwech y rik'in ri keri', ri wineq ri' kan jari' xtutej ruq'ij richin nanimej chuwech.