1 Sam 25:26 - Kaqchiquel Bible

²⁶ Ri Jehová xq'aton awichin richin xaben ta kamik, richin ta xaben ruk'exel chike ri xebanon itzel chawe. Kan ja ta k'a ri Jehová xtibanon chi konojel ri e etzelanel awichin y chuqa' ri nikich'ob itzel chawij, xtikik'uluwachij ta achi'el xtiberuk'uluwachij ri Nabal.

1 Sam 25:26 ပူးပေါင်းရင်းမြစ်များ

2 Sam 18:32

Y ri rey xuk'utuj chire ri achin ri' wi utz ruwech ri Absalón. Y rija' xubij: K'ate' ta konojel ri e etzelanel awichin xkek'is ta; keri' chuqa' konojel ri ye'ajowan ri akamik. Y kan xtiban ta chike achi'el xban chire ri Absalón, xcha'.

Wuj Richin ri Rutikeribel 20:6

Y ri Dios xch'on k'a rik'in ri Abimélec pa jun chik rachik' y xubij chire: Yin chuqa' wetaman chi rat xaben rik'in ruch'ajch'ojil ri awánima. Roma ri' man xinya' ta q'ij richin xamakun ta chinuwech yin.

Hebreos 10:30

Y roj qetaman k'a achike ri biyon chi pa ruq'a' rija' k'o-wi ri ruk'ayewal, y nuya' rutojbalil chike ri yemakun. Chuqa' chupan ri ruch'abel ri Dios nubij: Ri ajaw xtuq'et-tzij pa ruwi' ri rutinamit, nicha'.

Dn 4:19

Toq xrak'axaj ronojel re' ri Daniel kan xpax ránima y jun xk'oje-wi chuch'obik, y keri' k'a xk'oje' jubama jun hora. Kan janila k'a xuxibij-ri' y roma ri' yin Nabucodonosor xinbij chire: Beltsasar, man tach'ujirisaj-awi' rik'in ri wachik', y ri nel chi tzij, xicha' chire. K'ari' rija' xubij chuwe: Wajaw yin, re achik' re' kan ta pa kiwi' ri e etzelanel awichin xtiqaqa-wi. Ri nel chi tzij re achik' re', kan ta k'a ja ri itzel nikirayij chawij ri xkek'uluman.

Wuj Richin Bix Chire ri Dios 44:3

Rije', man roma ta ri kikamisabal xe'ok kan chuwech ri ruwach'ulew ri', ni man ja ta ri kuchuq'a' rije' ri xekolo. Kan ja ri awijkiq'a' y ri asaqil rat kik'in rije' ri xbanon chike chi xech'akon, Kere' xaben kik'in roma kan xeqa' chawech.

Wuj Richin ri Jeremías 29:22

Roma ri xtibanatej kik'in rije' xtel jun k'ambel-tzij chike konojel ri xe'elesex-el pa Judá ri ek'o pa Babilonia y xtikibij: Ri Jehová kan xtuben chiwe achi'el xuben chike ri Sedequías y ri Acab, toq ri Nabucodonosor kan xeruporoj.

2 Rey 4:6

Toq ronojel bojo'y e nojineq chik, xubij chire jun chike ri ral: Tak'ama-pe jun chik bojo'y chuwe, xcha'. Y ri ral xubij chi maneq chik bojo'y. Y kan jari' toq xtane' chi nibiyin ri aceite.

2 Rey 2:2

Y ri Elías xubij chire ri Eliseo: Wakami kakanej kan wawe', roma ri Jehová yiruteq pa tinamit Betel, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y k'ari' xebe junan k'a pa Betel.

1 Sam 22:3

Y chiri' pa ruwach'ulew Judá xel-wi-el, y xbe k'a pa tinamit Mispá pa ruwach'ulew Moab, y xubij chire ri rey: Yin nink'utuj utzil chawe richin yek'oje' ta kan juba' ri nte-nata' awik'in, k'a ja toq xtinwetamaj na achike xtuben ri Dios wik'in, xcha'.

1 Sam 1:26

Ri Ana xubij chire ri Elí: Táta, noqaqa chi'ak'u'x in achike yin, roma ja yin ri' ri ixoq ri xik'oje' chi'anaqaj ri k'o yan chik juna' ri', toq xipe re wawe' richin xich'on rik'in ri Jehová.

1 Sam 20:3

K'ari' ri David xuya' rutzij chuwech ri Jonatán y xubij chire: Ri atata' retaman jebel chi roj janila niqajo-qi'. Roma ri' rija' man xtubij ta chawe ri achike ri ruch'obon chuwij, richin keri' rat man yabison ta. Kan qitzij na wi, k'es k'a ri Jehová y k'es k'a ri awánima rat, chi ri nukamik yin xa naqaj chik k'o-wi, xcha'.

1 Sam 25:25

Man tanimaj rutzij ri jun achin ri'; rija' kan banoy etzelal. Roma ri' rija' Nabal ri rubi', nel chi tzij ch'u'j, y man nich'obon ta chi utzil. Yin ri in asamajel man xentz'et ta pe ri alaboni' ri xe'ateq qik'in.

1 Sam 25:39

Y toq ri David xrak'axaj chi ri Nabal xken yan, rija' xubij: Nim ruwa-ruq'ij ri Jehová roma kan ja rija' xq'aton-tzij pa ruwi' ri Nabal, y xuya' rutojbalil pa ruwi' roma xuqasaj nuq'ij. Chuqa' ri Jehová kan xiruq'et chi yin man xinben ta ri itzel chire ri Nabal, y xa kan pa ruwi' k'a rija' xqaqa-wi ri rumak, xcha'. K'ari' ri David xeruteq-el rusamajela' rik'in ri Abigail richin yech'on rik'in.

1 Sam 26:10

Kan k'es ri Jehová, chi kan ja rija' ri xtikamisan richin toq xtapon ruq'ij y xtiken, o toq xtibe pa jun oyowal chiri' xtiken-wi.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

1 Sam 20:16

Keri' ri Jonatán xujikiba-rutzij rik'in ri David y kik'in ri aj pa rachoch y xubij: Ja ri Jehová ri xtibeya'on ruk'ayewal pa kiwi' ri e etzelanel awichin, y xtuya' ruk'exel chike ri itzel nikiben chawe, xcha'.

Wuj Richin Etamabel-Tzij 31:12

Ri ixoq ri' kan ruyon utz ri nujech-apo chire ri rachijil y man jun bey itzel, keri' xtuben chupan chijun ri ruk'aslen ri rachijil chuwech re ruwach'ulew.