1 Sam 25:21 - Kaqchiquel Bible

²¹ Ri David k'a juba' tubij-qa: Xa man jun ajk'a xuq'ajuj ri xqachajij ri rukarne'l ri Nabal ri ek'o pa tz'iran ruwach'ulew richin man jun xsach kan chike, xa rik'in itzel xutojbej-wi ri utzil ri xqaben roj chire.

1 Sam 25:21 ပူးပေါင်းရင်းမြစ်များ

Wuj Richin Etamabel-Tzij 17:13

Ri wineq ri xa itzel ruk'exel nutzolij chire ri jun chik wineq ri k'o utz ri nuben chire; ri pa rachoch ri nibanon itzel, kan man jun bey xke'uxlan ta juba' pa ruq'a' ri etzelal.

Efesios 4:31

Tik'is ronojel ri itzel nina' pa taq iwánima, ri ruk'ayewal, ri oyowal y ri yoq'onik. Man kixsik'in chirij jun wineq, y tiya' kan rubanik ronojel ruwech etzelal.

Efesios 4:26

Toq k'o nibanon chiwe chi yixoyower, man kixmakun. Y man tiya' q'ij chi k'a k'o na iwoyowal toq nitzaq-qa ri q'ij.

Romanos 12:21

Man tiya' q'ij chi yixch'akatej roma ri itzel ri niban chiwe. Rix ja ri utz ri tibana', y jare' ri xtich'akon chirij ri itzel.

1 Pedro 3:17

Más utz natej poqon chubanik ri utz, wi keri' rurayibel ri Dios, ke chuwech ja ri etzelal naben.

1 Tesalonicenses 5:15

Y wi k'o ri xkebanon etzelal chiwe, man tiben ruk'exel chike. Xa titija' iq'ij niben ri utz chike ri qach'alal, y chike konojel winaqi'.

1 Pedro 3:9

Y toq niban jun itzel chiwe, man tiben ruk'exel. Y toq nibix ch'abel ri janila e poqon chiwe, man tibij jun chik ch'abel keri'. Xa tik'utuj chire ri Dios chi xtrurtisaj ri wineq ri', roma ri Dios kan ix royon richin niben ri utz, y nrajo' chi rix nik'ul urtisanik.

Wuj Richin ri Jeremías 18:20

Toqaqa k'a chi'ak'u'x chi yin in ch'owineq awik'in pa kik'exel rije', richin chi nink'utuj chawe chi man naya' ta pe ruk'ayewal pa kiwi'. ¿Kan rik'in kami ri itzel nitoj-wi ri utz? ¿Achike k'a roma rije' xkik'ot jun jul richin yinkichop yin?

Wuj Richin Bix Chire ri Dios 38:20

Yin xinben ri utz kik'in, jak'a rije' pa ruk'exel ri', xinkiya' pa k'ayew. Roma ninwajo' ninben ri utz, kan itzel yinkitz'et.

Wuj Richin Bix Chire ri Dios 37:8

Taya' kan ri oyowal, y man taya' q'ij chi nich'akon chawij. Man katoyower, roma re' xa más nuyek-q'anej ruwi' ri oyowal.

Wuj Richin Bix Chire ri Dios 35:12

Yin ninben utz kik'in, jak'a rije' ja ri itzel nikiben chuwe. Y re' xa nuya' bis pa wánima.

Wuj Richin ri Achin Job 30:8

Rije' xa e junan k'a kik'in ri itzel taq winaqi', ni maneq rubi' kite-kitata' kik'uan, rije' xa e elesan-el chupan ri kiruwach'ulew.

1 Sam 25:13

K'ari' ri David xubij chike ri achi'a' ri ek'o rik'in: Tixima' jebel ri i-espada chi'ijujunal y chuqa' yin keri' xtinben, xcha'. Y xkiximila' k'a el ri ki-espada xekipan ri achi'a' y keri' chuqa' xuben ri David. Y xebe e 400 achi'a' chirij y ri e 200 chik xkichajij kan ronojel ri nikikusaj.

Wuj Richin ri Rutikeribel 44:4

Y toq e eleneq chik el chupan ri tinamit y man jani nej ta kebiyin, jari' toq ri José xubij chire ri rusamajel: Kabiyin y kebe'aq'i' ri achi'a' y tabij chike: ¿Achike roma xiben ri man ruk'amon ta y xa utz ri xban-pe chiwe? ¿Achike roma xiweleq'aj-pe ri ruqumbal ri wajaw ri banon rik'in saqipueq?

1 Sam 25:7

Yin xinnabej chi rat yatajin chusokaxik-kij ri akarne'l. Ninwajo' k'a chi nawetamaj chi janipe' xek'oje' ri ayuq'unela' chiqakojol roj re wawe' pa Carmel, kan man jun itzel xqaben chike, ni man jun xqamej chike.

1 Sam 25:15

Y ja achi'a' ri' ri janila e utz kibanon qik'in roj; kan man jun bey xkiben ta itzel chiqe. Kan janila e utz y man jun xkeleq'aj chiqe toq xojk'oje' chikikojol ri chiri' pa juyu'.

1 Sam 25:20

Xch'oke' k'a el chirij jun bur y xbe-qa pa jun ti bey chukojol juyu'. Y jari' chuqa' toq ri David y ri achi'a' ri ek'o rik'in e xulan-pe chuwech-apo rija'.