1 Sam 25:17 - Kaqchiquel Bible

¹⁷ Jak'a ri wajaw kan janila banoy etzelal, y man jun nitikir nich'on rik'in. Wakami k'a, rat tach'obo' ri achike nabebana'. Roma xa kan k'o xtibeqak'uluwachij roj, ri wajaw y qonojel roj ri oj aj pa rachoch, xcha' ri samajel.

1 Sam 25:17 ပူးပေါင်းရင်းမြစ်များ

1 Sam 20:7

Jak'a wi ri atata' man jun xtubij, nel chi tzij chi k'o uxlanibel-k'u'x pa nuwi' yin, y wi niyakatej royowal, tawetamaj k'a chi k'o ruk'ayewal niberuya' pa nuwi'.

Deut 13:13

chi ek'o achi'a' ri maneq Dios chikiwech xebek'ulun-pe, y yekitaqchi'ij ri winaqi' richin ri tinamit richin nikiya' kiq'ij ch'aqa' chik dios ri man e qitzij ta y man iwetaman ta kiwech.

Ester 7:7

K'ari' ri rey xyakatej-el chire ri nima-wa'in roma kan xyakatej janila royowal, y xbe akuchi e tikil-wi kotz'i'j chiri' chuwa-jay. Jak'a ri Amán xkanej kan richin nuk'utuj utzil chire ri reina, chi man nikamisex ta, roma retaman chik chi, ja ri kamik ri royoben.

2 Crón 25:16

Y toq ri q'alajirisanel nubij keri', jari' toq ri rey xubij-apo: ¿At ya'on kan rat richin napixabaj ri rey? Man chaq ronojel ke'abij. ¿O nawajo' richin yakamisex?, xcha'. K'ari' ri q'alajirisanel xtane' rik'in re ch'abel re': Wakami wetaman chik chi ri Dios kan xkaberuk'isa' roma kere' xaben, y man xataqej ta ri xinbij chawe, xcha'.

2 Crón 13:7

Xkimol k'a ki' rik'in rija' achi'a' ri janila e q'ori' y e banoy taq etzelal. Ri achi'a' ri' kan xkipaba' k'a ki' chuwech ri Roboam, roma man jani k'iy ta rujuna', y chuqa' man jani k'o runa'oj; roma ri' man xtikir ta xpa'e' kow chikiwech.

1 Rey 21:13

Xepe k'a ri e ka'i' achi'a' ri e banoy taq etzelal y xetz'uye' k'a chuwech ri Nabot y xkibij chi ri Nabot xuyoq' rubi' ri Dios y xuyoq' ri rey. Y keri' ri winaqi' xkelesaj-el ri Nabot chiri' pa tinamit, y xkik'eq k'a chi abej richin xken.

1 Rey 21:10

Y ke'iya-apo chuwech ri Nabot e ka'i' achi'a' e banoy taq etzelal richin chi nikibij chi rija' xch'on itzel chirij ri Dios, y chirij ri rey. Chirij ri' tiwelesaj-el ri Nabot, y k'ari' tik'aqa' chi abej richin niken, xcha-el chupan ri wuj.

1 Sam 25:25

Man tanimaj rutzij ri jun achin ri'; rija' kan banoy etzelal. Roma ri' rija' Nabal ri rubi', nel chi tzij ch'u'j, y man nich'obon ta chi utzil. Yin ri in asamajel man xentz'et ta pe ri alaboni' ri xe'ateq qik'in.

1 Sam 20:9

K'ari' ri Jonatán xubij chire: Rat man xtabek'uluwachij ta keri'. Wi yin wak'axan ta chi ri nata' keri' nuch'ob chawij richin yarukamisaj, xinbij yan ta chawe ri', xcha'.

1 Sam 2:12

Jak'a ri Hofní y ri Finees, kan e itzel taq achi'a', y man nikiya' ta rejqalen ri Jehová y roma ri' man xeniman ta chire.

Wuj Kichin ri To'onela' 19:22

Y toq janila yekikot ek'o chiri', jari' toq e k'iy achi'a' richin ri tinamit ri' xkisutij-rij ri jay, y nikitarila-apo ri ruchi' ri jay y xech'on apo chire ri ti achin y xkibij: Tawelesaj-pe ri achin ri xok apo pan awachoch, richin yojk'oje' rik'in, xecha'. Keri' xkibij roma re achi'a' re' kan e banoy etzelal.

1 Sam 10:27

Jak'a ri e q'ori' xkibij: ¿Nitikir kami rija' yojrukol?, xecha'. Y kan man xkiya' ta k'a rejqalen y man jun k'a sipanik xkiya' chire. Jak'a ri Saúl xuben chi man xniman ta chike.

1 Sam 25:16

Rije' xojkito' y xojkichajij chi paq'ij chi chaq'a', achi'el xa ta jun tz'aq chiqe roj ronojel q'ij toq yojyuq'un.

1 Sam 25:18

K'ari' ri Abigail chi'anin xberuk'ama-pe 200 kaxlan-wey, ka'i' tz'um vino, wo'o' karne'l q'anarisan, ka'i' arroba jalajoj ruwech ixin k'ilin, wok'al tzeqaj uva chaqi'j y 200 peraj wíkix ri chaqirisan. Ronojel re' xuya-el chikij ri taq bur.

2 Sam 24:13

Y ri Gad xapon rik'in ri David richin xberubij chire ri xubij ri Jehová. Y xubij k'a chire chi tucha' jun chike ri oxi' ruk'ayewal ri xtuya' ri Jehová: Oxi' juna' richin wayjal, oxi' ik' ri k'o chi nanimej chikiwech ri e etzelanel richin, o oxi' q'ij richin yabil ri kan ruk'amon-pe kamik pa kiwi' ri winaqi' israelita. Xubij k'a chire chi tuch'obo' jebel ri nrajo', roma rija' k'o chi niberubij chire ri taqayon-el.

Wuj Richin Etamabel-Tzij 12:8

Kan achi'el k'a rubanik ri na'oj ri k'o rik'in ri wineq, kan ja chuqa' ri' rubanik ri ruq'ij ri xtuk'ul; jak'a ri wineq ri itzel nich'obon, xa netzelex koma ri ch'aqa' chik winaqi'.