1 Sam 25:11 - Kaqchiquel Bible

¹¹ ¿Utz kami ninchop-el ri nukaxlan-way y ri ti'ij nuchojmirisan chik kichin ri nusamajela' ri yesokan ri karne'l, y ninya' chike ri achi'a' ri xa man wetaman ta kiwech y akuchi na kepe-wi?, xcha' ri Nabal.

1 Sam 25:11 ပူးပေါင်းရင်းမြစ်များ

Wuj Kichin ri To'onela' 8:6

Y ri achi'a' ri k'o kiq'ij ri e richin ri Sucot xkibij chire: ¿Kan xeqaqa yan k'a pan aq'a' ri rey Zebáh y ri rey Salmuná richin naben chiqe chi niqaya' kiway ri achi'a' ri e peteneq chawij?, xecha'.

Gálatas 6:10

Y toq niqatz'et xabachike wineq ri k'o nik'atzin chire, kan tiqato' k'a. Jak'a kan nik'atzin chi yeqato' más ri e qach'alal chik.

1 Pedro 4:9

Kan rik'in k'a ronojel iwánima tik'ulula-iwi' pa taq iwachoch.

2 Corintios 6:9

Niban chiqe chi achi'el chi man etaman ta qawech, stape' xa kan jebel etaman qawech. Banon chiqe chi achi'el oj kaminaqi' chik, jak'a xa k'a oj k'es na. K'iy ruk'ayewal taqon-pe pa qawi', jak'a kan k'a k'o na qak'aslen.

Wuj Richin ri Achin Job 31:17

Kan man jun bey k'a nubanon chi kan xaxe ta wichin yin, ri k'o wik'in richin nintej, xa kan nuya'on k'a chike ri maneq kite-kitata', richin man yewayjan yebe toq nikik'utuj chuwe.

1 Sam 25:3

Ri achin ri' rubini'an Nabal rijatzul kan ri Caleb y kan janila itzel achin. Ri rixjayil rubini'an Abigail, jun ixoq janila nowineq y kan jebel ok.

1 Sam 24:13

Achi'el nubij ri tzij; ri itzel taq banobel nel-pe kik'in ri maneq Dios chikiwech, y xa roma ri' yin man xtinjeluj ta ri nuq'a' chawij.

Deut 8:17

Man tibij-qa pan iwánima chi ronojel ri ibeyomel kan ich'akon rik'in ri isamaj y ri iwuchuq'a'.

Wuj Kichin ri To'onela' 8:15

Y jari' toq ri Gedeón xok-apo ri pa tinamit Sucot, y xch'on kik'in ri winaqi' y xubij chike: Ri Zebáh y ri Salmuná jare' e nuchapon chik pe. Toqaqa chi'ik'u'x chi koma rije' xixtze'en chuwij y man xiya' ta kiway ri nuwinaq toq janila e kosinaqi', y rix xa xibij chuwe: ¿Ek'o chik k'a ri Salmuná y ri Zebáh pan aq'a' richin naben chiqe chi niqaya' kiway ri awinaq?, xixcha' chuwe, xcha' ri Gedeón.

1 Sam 25:7

Yin xinnabej chi rat yatajin chusokaxik-kij ri akarne'l. Ninwajo' k'a chi nawetamaj chi janipe' xek'oje' ri ayuq'unela' chiqakojol roj re wawe' pa Carmel, kan man jun itzel xqaben chike, ni man jun xqamej chike.

1 Sam 25:12

K'ari' ri alaboni' ri' xetzolej k'a el chupan ri kibey, y xe'apon rik'in ri David, y xkibij chire ronojel ri ch'abel ri xbix-el chike roma ri Nabal.

Wuj Kichin ri To'onela' 8:8

Y xel-el chiri' y xjote-q'anej pa tinamit Penuel, y xuk'utuj chuqa' utzil chike achi'el xuk'utuj chike ri aj-Sucot, jak'a ri aj-Penuel xa xkibij-pe chire achi'el xkibij ri aj-Sucot.