1 Sam 25:1 - Kaqchiquel Bible

¹ Xken k'a ri Samuel y konojel ri israelita xbekimuqu' kan pa rutinamit Ramá, roma chiri' k'o-wi ri rachoch, y konojel janila xe'oq' chirij. Y ri David xberewaj-ri' chupan ri tz'iran ruwach'ulew rubini'an Parán.

1 Sam 25:1 ပူးပေါင်းရင်းမြစ်များ

1 Sam 28:3

Ri Samuel xken yan el y chijun tinamit Israel kan janila xkibisoj. Xkimuq k'a pa rutinamit chiri' pa Ramá. Y ri rey Saúl e relesan chik k'a el chupan ri kiruwach'ulew konojel ri yek'uluben kaminaqi' y ri nikibananej chi ketaman ri peteneq chikiwech.

Deut 34:8

Ri israelita xkoq'ej k'a ri Moisés juwineq lajuj q'ij pa taq'aj richin Moab.

Wuj Richin ri Q'axanri'il 20:29

Y toq ri winaqi' xkitz'et chi ri Aarón man xtzolej ta chik pe, chi'anin k'a xq'ax chikiwech chi xa xken kan, y roma ri' konojel winaqi' xek'oje' k'a pa bis juwineq lajuj q'ij.

2 Crón 33:20

Xken k'a ri Manasés, y xmuq k'a chiri' chuwa-jay chire ri jay richin ri q'atbel-tzij. Y ja ri Amón, ri ruk'ajol ri xk'oje' kan pa ruk'exel.

Hechos 8:2

Jak'a ek'o jujun achi'a' ri xbekimuqu' ri Esteban y xkoq'ej roma kan k'o-wi k'a ri Dios pa kánima.

Wuj Richin ri Q'axanri'il 10:12

Jari' toq ri israelita xkichop-el binen, richin xe'el-el ri chiri' pa tz'iran ruwach'ulew Sinaí. Ri sutz' kan nipataj k'a ri beneq chikiwech ri winaqi' y xbepa'e', k'a toq xe'apon na ri pa tz'iran ruwach'ulew rubini'an Parán.

Wuj Richin ri Rutikeribel 21:21

Y ri Ismael chupan k'a ri tz'iran ruwach'ulew ri' xk'oje-wi. Y ri Agar xukanoj k'a rixjayil ri ral y ri xten ri' aj-Egipto.

1 Rey 2:34

Xbe k'a ri Benaías richin xberukamisaj kan ri Joab chiri' rik'in ri porobel. Ri Joab xmuq k'a pa rachoch, ri k'o pa tz'iran ruwach'ulew.

Wuj Richin ri Q'axanri'il 13:3

Kan rutzij-wi k'a ri Jehová toq ri Moisés xeruteq-el ri achi'a'; xe'el k'a el ri achi'a' ri' toq ek'o ri chiri' pa tz'iran ruwach'ulew ri richin ri Parán. Konojel k'a ri achi'a' kan e aj-raqen k'a pa ruwi' ri kitzobaj, ri chikikojol ri e rijatzul kan ri Israel.

Wuj Richin ri Isaías 14:18

Toq ri rey yeken, kan ye'uxlan rik'in ri kiruwaq'ijaj. Y kan ja ri pa kimuqubal rije' yeya'ox-wi kan.

Wuj Richin Bix Chire ri Dios 120:5

Toq'ex nuwech yin, ri ink'o pa ruwach'ulew Mésec,*f104* ri in k'es chikikojol ri aj-Quedar.

1 Sam 7:17

Y toq nitzolin-pe chi kitz'etik re tinamit re', k'ari' napon pa tinamit Ramá, roma chiri' k'o-wi ri rachoch. Y chiri' nuq'et-tzij y chiri' xuben-q'anej jun porobel richin ri Jehová.

Wuj Richin ri Q'axanri'il 13:26

Y xe'apon k'a rik'in ri Moisés, ri Aarón y ri ch'aqa' chik kiwinaq, ri chiri' pa tz'iran ruwach'ulew Parán, ri chiri' pa tinamit Cadés. Y xkitzijoj k'a ronojel chike y xkik'ut chikiwech ri ruwech ri tiko'n ri nuya' ri chiri'.

Wuj Richin ri Q'axanri'il 12:16

k'ari' ri winaqi' xe'el-el chiri' pan Haserot y xkichop k'a binen y xe'apon k'a pa tz'iran ruwach'ulew Parán y chiri' xek'oje-wi-qa.

Wuj Richin ri Rutikeribel 50:11

Y toq ri winaqi' aj-Canaán ri ek'o chiri', xkitz'et ri nibanatej, xkibij: Janila nim la bis la k'o kik'in la aj-Egipto roma la kikaminaq, xecha'. Y roma ri' ri chiri' xubini'aj Abel-mizraim, ri k'o pa relebel-q'ij chire ri Jordán y re' nel chi tzij, ri oq'ej richin ri Egipto.

Wuj Richin ri Rutikeribel 14:6

y chuqa' xekich'ek ri rijatzul ri Hor ri ek'o chiri' pa juyu' rubini'an Seír y xekitzeqelibej k'a el k'a chuwa-taq'aj richin Parán ri k'o chunaqaj ri tz'iran ruwach'ulew.

2 Rey 21:18

Y toq xken, xmuq chiri' chuwa-rachoch chupan ri qejoj richin Uzá. Y ri xok kan rey pa ruk'exel ja ri ruk'ajol rubini'an Amón.

Wuj Richin ri Rutikeribel 23:2

y xken pa Quiriat-arbá ri wakami nibix Hebrón chire ri k'o pa ruwach'ulew Canaán. Y ri Abraham kan janila xroq'ej y xubisoj.

1 Sam 1:19

Toq xkiya' yan ruq'ij ri Jehová, ri ruka'n q'ij nimaq'a' yan xeyakatej y xetzolin k'a pa kachoch kela' pa Ramá. Chirij re' ri Elcaná xk'oje' k'a rik'in ri Ana. Y jari' toq ri Jehová xoqaqa k'a chuk'u'x ri k'utunik ri rubanon ri Ana.

Wuj Richin ri Zacarías 1:5

Roma ri' rije' xa xeken yan. Chuqa' xeken ri q'alajirisey nuch'abel.