1 Sam 24:9 - Kaqchiquel Bible

⁹ Y xubij chire: Wajaw, ¿achike k'a roma nanimaj kitzij ri yebin chawe chi yin ninwajo' ninben itzel chawe?

1 Sam 24:9 ပူးပေါင်းရင်းမြစ်များ

Wuj Richin Bix Chire ri Dios 101:5

Yin kan xkenk'is k'a el ri winaqi' ri pan ewel yech'on itzel chikij ri kiwinaq. Man ninkoch' ta yentz'et ri winaqi' ri janila nikinimirisaj-ki'.

Wuj Richin Bix Chire ri Dios 141:6

Ri e q'atoy taq tzij kichin rije' kan xkebek'aq k'a pe k'a pa siwan, y keri' ri e banoy etzelal xtiketamaj chi ri ch'abel ri xinbij yin kan qitzij wi.

Wuj Richin Etamabel-Tzij 16:28

Ri wineq ri nukusan y nelesan tzij, xa nutik k'a oyowal; y ri kamuluy-tzij kan nitikir yeruch'er ri kan kachibil-ki'

Wuj Richin Etamabel-Tzij 17:4

Ri winaqi' ri kan e itzel, kan nikiya' kixikin chike ri kan e itzel chuqa'; y ri winaqi' ri kan e tz'ukuy-tzij, kan yeniman chuqa' chike ri e tz'ukuy-tzij.

Wuj Richin Etamabel-Tzij 18:8

Ri ruch'abel jun wineq ri niyako tzij chirij jun chik wineq, kan ki-ki' achi'el jun munil; ri ch'abel ri' kan napon k'a chupan ri ránima ri jun chik wineq.

Wuj Richin Etamabel-Tzij 25:23

Ri kaq'iq' ri nipe kere' pa xaman, kan jantape' k'o job nuk'en-pe; keri' ri wineq, ronojel ri royowal ri man nubij ta rik'in ch'abel, xa ja ri nitzu'un jari' ri niq'alajirisan chi royowal.

Wuj Richin Etamabel-Tzij 26:28

Ri wineq ri nitz'ukun-tzij man niqa' ta chuwech ri qitzij, ri wineq ri nubananej chi nich'on rik'in ch'uch'uj taq ch'abel, xa nuk'en-pe wululen.

Wuj Richin Etamabel-Tzij 29:12

Ri tata'al ri kan jebel nunimaj-qa ri tz'ukun taq tzij ri yebix chire; xa yeruyoj ri rusamajela', y nuben chike chi xke'ok tz'ukuy taq tzij.

Wuj Richin ri Jeremías 37:18

Chuqa' xinbij chire: ¿Achike k'a xinmakuj chawech rat o chikiwech ri aj-raqen, o chikiwech ri winaqi' richin ri tinamit richin chi xinaya' pa jul?

Wuj Richin ri Chojmirisabelri'il 19:16

Man k'a tikamuluj-tzij chi'ikojol rix: man k'a tiyoj-iwi' kik'in ri yekamisan kichin ri iwinaq. Yin Jehová ri yibin.

Santiago 3:6

Ri qaq' roj achi'el jun ruxaq-q'aq' ri tzijon rik'in ri q'aq' ri man jun bey nichup, ronojel ri nubij nuk'en-pe k'iy ruwech etzelal y nutz'ilobisaj chijun ri qach'akul.

1 Sam 20:1

K'ari' ri David xel-pe chiri' pa Naiot richin Ramá richin xpe rik'in ri Jonatán, y xubij chire: ¿Achike k'a nubanon yin? ¿Achike k'a numak nubanon chuwech ri atata' richin yirukanoj y kan nrajo' yirukamisaj?, xcha'.

1 Sam 20:41

Y toq ri ti ala' xbe yan, k'ari' ri David xpa'e-q'anej ri chiri' pa xokon, y chiri' oxi' k'a mul xxuke' y xulukuba-qa-ri' chuwech ri Jonatán. Y chiri' xkitz'ubaj-wi kan ki', y chi e ka'i' k'a xe'oq', jak'a ri David kan más janila xoq'.

1 Sam 24:10

Re q'ij re', rat kan xatz'et chi ri Jehová kan xarujech pa nuq'a' chiri' pa jul; y ri wachibil xkibij chuwe richin xatinkamisaj ta. Jak'a yin xinkuy amak, y man xinben ta, roma xinch'ob chi rat kan at cha'on roma ri Jehová, y roma ri' man xinjeluj ta nuq'a' chawij.

1 Sam 24:8

Chi'anin k'a xel-pe ri David, xutzeqelibej-pe ri Saúl y xubij-pe chire: ¡Wajaw nu-rey!, xcha'. Y toq rija' xtzu'un kan chirij, ri David xxuke-qa y xulukuba-qa-ri' chuwech, retal richin xuqasaj-ri' chuwech ri Saúl.

1 Sam 26:18

Y chuqa' xubij: Rat wajaw, ¿achike k'a roma in atzeqeliben yin ri in asamajel? ¿Achike k'a nubanon yin? ¿Achike k'a etzelal nubanon chawe?

1 Sam 26:19

Wakami k'a wajaw tabana' utzil tawak'axaj k'a ri nuch'abel yin, ri asamajel. Wi ja ri Jehová xbin chawe richin yayakatej chuwij, rik'in juba' rija' xtuk'ul ta jun sipanik chiqawech ri xtiqasuj chire. Jak'a wi ja ri achi'a' ri xetaqchi'in awichin, ri Jehová xtuben chi xtiqaqa itzel pa kiwi', roma kan xinkelesaj-pe richin chi yin man yinichinan ta kik'in chupan ri qaruwach'ulew. Rije' chuqa' xkibij chi yin xkensamajij ch'aqa' chik dios.