1 Sam 24:8 - Kaqchiquel Bible

⁸ Chi'anin k'a xel-pe ri David, xutzeqelibej-pe ri Saúl y xubij-pe chire: ¡Wajaw nu-rey!, xcha'. Y toq rija' xtzu'un kan chirij, ri David xxuke-qa y xulukuba-qa-ri' chuwech, retal richin xuqasaj-ri' chuwech ri Saúl.

1 Sam 24:8 ပူးပေါင်းရင်းမြစ်များ

Romanos 13:7

Kan tiqatojo' k'a ri k'atzinel chi niqatoj; wi kuchuj, kan tiqaya' k'a ri kuchuj; kan qojpatanin k'a kik'in ri e q'atoy taq tzij. Ri winaqi' k'o kiq'ij, kan tiqaya' k'a kiq'ij. Ri nima'q taq winaqi', kan tiqabana' k'a chike chi e nima'q taq winaqi'.

1 Sam 26:17

Ri Saúl xrak'axaj k'a ri ruch'abel ri David, y xubij: ¿Ja ach'abel rat David ri at achi'el nuk'ajol ri ninwak'axaj?, xcha'. Y ri David xubij chi ja rija'.

1 Sam 20:41

Y toq ri ti ala' xbe yan, k'ari' ri David xpa'e-q'anej ri chiri' pa xokon, y chiri' oxi' k'a mul xxuke' y xulukuba-qa-ri' chuwech ri Jonatán. Y chiri' xkitz'ubaj-wi kan ki', y chi e ka'i' k'a xe'oq', jak'a ri David kan más janila xoq'.

Ex 20:12

Tiya' kiq'ij ri ite-itata', richin chi k'iy k'a juna' xkixk'ase-el chuwech re ruwach'ulew, ri ninya' yin Jehová ri i-Dios chiwe.

Wuj Richin ri Rutikeribel 17:3

Y ri Abram kan jari' xuqasaj-qa-ri' k'a pan ulew chuwech ri Dios, y ri Dios xubij chuqa' chire:

1 Pedro 2:17

Tiya' iwejqalen y tiwajowala-iwi' ri iniman chik ri Jesucristo. Tiya' ruq'ij ri Dios y tiqasaj-iwi' chuwech ri rey.

1 Sam 24:7

Rik'in k'a re ch'abel re' ri David xeruq'et ri rachibil richin man jun xkiben chire ri rey. Y ri Saúl xel k'a pe chupan ri jul y choj k'a xbe chupan ri bey.

1 Sam 24:9

Y xubij chire: Wajaw, ¿achike k'a roma nanimaj kitzij ri yebin chawe chi yin ninwajo' ninben itzel chawe?

1 Sam 28:14

K'ari' ri Saúl xuk'utuj chire ri achike k'a ri rubanik. Y ri ixoq xubij: Jotol-pe jun achin ti ri'j-ri'j chik y kan rupison-pe-ri' pa tzieq, xcha'. Ri Saúl xq'ax chuwech chi rija' ja ri Samuel, xulukuba-qa-ri' k'a pan ulew y xxuke-qa chuwech.

1 Rey 1:31

K'ari' ri Betsabé xxuke-qa y xulukuba-qa-ri' k'a pan ulew chuwech ri rey richin xuya' ruq'ij, y xubij: Wajaw, rey David, yin kan ninya' aq'ij richin q'asen, xcha'.