1 Sam 24:20 - Kaqchiquel Bible

²⁰ Wakami xq'ax chinuwech, chi kan ja rat xkaq'aton-tzij pa ruwi' ri qaruwach'ulew Israel. Y re q'atbel-tzij re' xtik'oje' pan aq'a' richin q'asen.

1 Sam 24:20 ပူးပေါင်းရင်းမြစ်များ

1 Sam 23:17

Y kere' xubij kan chire: Man taxibij-awi', ri nata' man xtitikir ta xkarukamisaj. Jak'a rat xkaq'aton kan tzij pa ruwi' ri qaruwach'ulew Israel, y yin ri ruka'n chawij rat. Ri Saúl ri nata' chuqa' kan keri' retaman, xcha' ri Jonatán.

San Mateo 2:16

Jak'a ri Herodes toq xunabej chi ri etamanela' xa man xkiben ta achi'el ri rubin-el chike, kan xyakatej janila royowal. Roma ri' xuteq kikamisaxik konojel ri taq alaboni' ri k'o ka'i' kijuna' pa xulan, ri ek'o chiri' pa Belén, y chuqa' ri ek'o pa taq tinamit ri ek'o-pe chunaqaj. Ri Herodes xuben k'a achi'el ri ruq'ijul ri xq'ax kan chuwech, ri janipe' kitz'eton-pe ri ch'umil, ri etamanela'.

San Mateo 2:13

Toq ri etamanela' xetzolej yan el pa kiruwach'ulew, kan jari' jun ángel richin ri Dios xuk'ut-ri' chuwech ri José, pa rachik'. Y xubij chire: Tak'uaj-el ri ak'ual rachibilan ri rute' y kixanimej-el wawe'. Kixbiyin k'a pan Egipto y kixk'oje' chiri', k'a toq xtinya' na rutzijol chawe toq utz chik yixtzolin-pe. Roma ri rey kan xtuteq rukanoxik re ak'ual richin chi nukamisaj, xcha' ri ángel.

Wuj Richin ri Achin Job 15:25

Jare' ri nuk'uluwachij jun ri kan rik'in k'olon-q'a' niyakatej chirij ri Dios, y kan janila nunimirisaj-ri' chuwech ri k'o ronojel uchuq'a' pa ruq'a'.

1 Sam 13:14

Jak'a re wakami ri aq'atbal-tzij xa man xtiyaloj ta. Roma ri Jehová xukanoj yan jun achin ri kan niqa' chuwech Rija'. Y kan xucha' richin xtok tata'al pa ruwi' ri rutinamit, roma rat xa man xaben ta ri xubij ri Jehová chawe, xcha'.

Wuj Richin ri Rut 2:12

Ja ri Jehová ri qa-Dios roj xtiya'on rajel ruk'exel chawe roma ri yatajin chubanik y kan xtak'ul rajel ruk'exel pa ruq'a' ri qa-Dios roj ri aj-Israel, ri achoq ik'in akuquban-wi ak'u'x rat, xcha' ri Booz.

1 Sam 26:25

Y ri Saúl xubij k'a chire ri David: Utz ruwa-aq'ij David, ri at achi'el nuk'ajol. Rat kan xtabebana' nima'q taq samaj y kan ronojel utz xtuben chawech, xcha'. K'ari' ri David choj xbe chupan ri rubey, y ri Saúl xtzolej kan akuchi peteneq-wi.

Wuj Richin Bix Chire ri Dios 7:5

Wi ta keri' nubanon, kan kinkitzeqelibej k'a ri e etzelanel wichin, y kan kinkiq'i' k'a. Kinkikamisaj y kinkitorij kan pan ulew.

Wuj Richin Etamabel-Tzij 25:21

Wi ri wineq ri netzelan awichin, ninum, kan tasuju' ruway richin nutej; y wi ta nichaqi'j ruchi', kan taya' k'a ruya' richin nuqum.