1 Sam 24:19 - Kaqchiquel Bible

¹⁹ ¿Achike ta k'a xtibanon keri', chi toq nuk'ul ri etzelanel richin nuya-el q'ij chire chi nibe y man jun nuben el chire? Roma ri' kan ja ri Jehová xtutzolij rajel ruk'exel chawe re xaben wik'in chupan re q'ij re'.

1 Sam 24:19 ပူးပေါင်းရင်းမြစ်များ

Wuj Richin Bix Chire ri Dios 18:20

Ri Jehová xuya' k'a ri ch'akonik chuwe yin. Roma ri ruch'ajch'ojil ri wánima, xuya' chuwe ri ruk'amon.

Wuj Kichin ri To'onela' 17:2

Re achin re' xubij chire ri rute': Nána, ri juwineq lajuj libra saqipueq ri xabij chuwe chi xeleq'ex awik'in y rat kan xawoyoj etzelanik pa ruwi' ri xeleq'an; ri saqipueq ri' xa wik'in yin k'o-wi, xa ja yin xineleq'an awik'in, xcha'. Y roma ri' toq ri te'ej xubij chire: Ja ri Jehová xkaturtisan, wal yin, xcha'.

Wuj Richin ri Rut 2:12

Ja ri Jehová ri qa-Dios roj xtiya'on rajel ruk'exel chawe roma ri yatajin chubanik y kan xtak'ul rajel ruk'exel pa ruq'a' ri qa-Dios roj ri aj-Israel, ri achoq ik'in akuquban-wi ak'u'x rat, xcha' ri Booz.

1 Sam 23:17

Y kere' xubij kan chire: Man taxibij-awi', ri nata' man xtitikir ta xkarukamisaj. Jak'a rat xkaq'aton kan tzij pa ruwi' ri qaruwach'ulew Israel, y yin ri ruka'n chawij rat. Ri Saúl ri nata' chuqa' kan keri' retaman, xcha' ri Jonatán.

1 Sam 23:21

K'ari' ri Saúl xubij chike: Ja ri Jehová xtiya'on urtisanik pan iwi', roma janila nipoqonaj nuwech yin.

1 Sam 26:23

Y ja ta ri Jehová xtiya'on rajel ruk'exel chuwe achi'el ri ruchojmilal ri xinben, roma rija' kan xarujech pa nuq'a' wakami. Jak'a yin man xinwajo' ta xinjeluj nuq'a' chawij rat ri kan at cha'on roma ri Jehová richin at okineq rey.

1 Sam 26:25

Y ri Saúl xubij k'a chire ri David: Utz ruwa-aq'ij David, ri at achi'el nuk'ajol. Rat kan xtabebana' nima'q taq samaj y kan ronojel utz xtuben chawech, xcha'. K'ari' ri David choj xbe chupan ri rubey, y ri Saúl xtzolej kan akuchi peteneq-wi.