1 Sam 24:16 - Kaqchiquel Bible

¹⁶ Toq ri David xtane' richin nich'on, ri Saúl xubij: ¿Ja rat ri', David ri at achi'el nuk'ajol, ri nich'on pe wik'in?, xcha'. Y k'ari' ri Saúl xsik'in-q'anej chi oq'ej,

1 Sam 24:16 ပူးပေါင်းရင်းမြစ်များ

1 Sam 26:17

Ri Saúl xrak'axaj k'a ri ruch'abel ri David, y xubij: ¿Ja ach'abel rat David ri at achi'el nuk'ajol ri ninwak'axaj?, xcha'. Y ri David xubij chi ja rija'.

Hechos 6:10

Roma ri Esteban kan ja ri Loq'olej Espíritu ri xya'on etamabel chire; roma ri', toq rija' xch'on, ri winaqi' ri' xa man xetikir ta rik'in.

San Lucas 21:15

roma kan ja yin ri xkiya'on ch'abel chiwe. Xtinya' chuqa' etamabel chiwe richin keri' man jun xketikir xtikibij chiwe ri ye'etzelan iwichin.

Wuj Richin Etamabel-Tzij 15:1

Ri ch'uch'uj taq ch'abel kan nuben chi ri oyowal nik'is-el; jak'a ri poqon taq ch'abel xa nuben chi ri oyowal nibenimer-pe.

Wuj Richin ri Achin Job 6:25

Ri ch'abel ri pa rubeyal yebix-wi kan nujel k'aslen. Jak'a ri ch'abel ri nikusaj rix, xa yiruya' pa q'axo'n.

Wuj Richin ri Rutikeribel 33:4

Jak'a ri Esaú junanin xbe chuk'ulik, xuq'etej y xutz'ubaj, y chi e ka'i' janila xe'oq'.

Wuj Richin Etamabel-Tzij 25:11

Ri ch'abel ri kan pa ruq'ijul yebix-wi, kan janila rejqalen. Kan achi'el ruwachibel jun manzana ri banon rik'in q'anapueq y chapon rik'in saqipueq.

Wuj Richin ri Rutikeribel 2:2

Toq xapon ri ruwuq q'ij, ri Dios k'achojineq chik k'a chubanik ronojel. Y rija' xuxlan k'a chire re samaj re'.

Wuj Richin ri Rutikeribel 16:5

K'ari' ri Sarai xubij chire ri rachijil: Pan awi' rat tiqaqa-wi ronojel ri k'ix ri nink'owisaj yin. Ja yin ri xiya'on ri xten ri nusamajel chawe, richin xok awixjayil, xa jak'a rija' toq xunabej chi yawa' chik, xuchop janila yiretzelaj. Y ja ri Jehová tiq'aton-tzij pa qawi', rat Abram y yin, xcha' ri Sarai chire.

Wuj Kichin ri To'onela' 11:27

Keri' yin kan man jun nubanon chawe, jak'a rat xa nawajo' naben oyowal wik'in. Ri Jehová ri kan chojmirisey richin ri nibanatej; ja rija' ri xtiq'aton-tzij pa qawi' roj israelita y rix ri ix rijatzul ri Amón, nicha' ri Jefté, xecha' ri e uk'uey rutzijol.

1 Sam 26:24

Y achi'el ta yin ri kan janila rejqalen ri ak'aslen chinuwech re q'ij re', kan keri' ta k'a chuqa' ri nuk'aslen yin chuwech ri Jehová. Rija' kan xkirukol ta chuwech ronojel tijoj-poqonal, xcha' ri David.

1 Crón 12:18

Y k'o k'a jun achin rubini'an Amasai, aj-raqen pa kiwi' jun tzobaj achi'a' ri k'o janila kuchuq'a'. Y ri Espíritu richin ri Dios xqaqa-pe pa ruwi' rija' richin xubij chire ri David: Ojk'o awik'in David; Ojk'o awik'in, ruk'ajol ri Isaí; Man oj peteneq ta richin niqaben oyowal awik'in; Y man oj peteneq ta richin niqaben oyowal kik'in ri yeto'on awichin; Roma ri qa-Dios kan at ruto'on, xcha' ri Amasai. Y ri David xeruk'ul k'a chi utzil, y xeruya' aj-raqen pa kiwi' ri aj-labal.

Wuj Richin Bix Chire ri Dios 119:154

Taq'alajirisaj ri nubanobal y kinakolo'. Taya' ruchuq'a' ri nuk'aslen rik'in ri ach'abel.