1 Sam 24:14 - Kaqchiquel Bible

¹⁴ ¿Achike k'a atzeqeliben rat rey richin Israel? ¿Achike ri awojqan? ¡Yin xa maneq wejqalen! Yin xa in achi'el jun kamineq tz'i' o xa in achi'el jun ti k'eq.

1 Sam 24:14 ပူးပေါင်းရင်းမြစ်များ

2 Sam 16:9

K'ari' ri Abisai ral ri Seruiá xubij chire ri rey: ¿Achike roma re jun kamineq tz'i' re', nroyoj itzel pan awi' rat nu-rey? Taya' q'ij chuwe richin yiq'ax-el y xtinwelesaj ri rujolon, xcha'.

2 Sam 3:8

Roma ri' ri Abner xyakatej royowal, y xubij chire: Rat nach'ob chi yin xa in achi'el jun tz'i', jun ri xa xpiskolin chiwij, richin xq'ax kik'in ri aj-Judá. Man keri' ta, roma yin janila in utz nubanon rik'in ronojel ri richin kan ri atata', kik'in ri e rach'alal y ri e rachibil kan. Pa ruwi' ri' rat man at nujachon ta pa ruq'a' ri David. Y wakami naq'abaj-pe chuwij richin ximakun rik'in ri jun ixoq ri'.

2 Sam 6:20

Xeri' ri David xbe pa rachoch richin xberuya' urtisanik pa kiwi' konojel ri ek'o chiri'. Y jari' toq xok'ul k'a el roma ri Mical ri rixjayil, y xubij chire ri David: ¿Kan jebel ok ri xaben rat, rey richin Israel chi xach'anaba-awi' chikiwech ri ixoqi' aj-ik'a' kichin ri asamajela'? ¿Kan man xak'ix ta k'a, chi xa xaben achi'el xa ta at jun xabachike achin?, xcha'.

2 Sam 9:8

Y ri Mefi-bóset xulukuba' chik qa ri' y xubij: ¿In achike ta k'a yin richin najoyowaj nuwech ri xa in achi'el jun kamineq tz'i'?, xcha'.

1 Rey 21:7

Ri Jezabel xubij chire: ¿Rat ri at rey richin Israel y man yatikir ta nachojmirisaj re'? Kayakatej k'a, kawa' y kakikot, roma kan ja yin xkijacho chawe ri rulew ri Nabot ri aj-Jezreel, xcha'.

Os 10:13

Jak'a rix xa kan ja ri etzelal ri itikon-qa. Kan man jun ruchojmilal ri niwachij, kere' nik'uluwachij roma xa xikuquba' ik'u'x kik'in carruaje richin labal y kik'in ri janila chi aj-labal.

1 Sam 17:43

Y xubij k'a: ¿In tz'i' kami yin richin ak'amon-pe jun che' chuwij?, xcha'. Y pa kibi' ri ru-dios, xroyoj itzel pa ruwi' ri David.

1 Sam 26:20

Wakami k'a, man ta xkiken yin nej chire ri qaruwach'ulew, roma rat kan at eleneq-pe chi nukanoxik achi'el nikanox jun k'eq y achi'el toq nikanox jun saqkorowach pa q'ayis, xcha' ri David.