1 Sam 24:13 - Kaqchiquel Bible

¹³ Achi'el nubij ri tzij; ri itzel taq banobel nel-pe kik'in ri maneq Dios chikiwech, y xa roma ri' yin man xtinjeluj ta ri nuq'a' chawij.

1 Sam 24:13 ပူးပေါင်းရင်းမြစ်များ

Wuj Richin ri Rutikeribel 16:5

K'ari' ri Sarai xubij chire ri rachijil: Pan awi' rat tiqaqa-wi ronojel ri k'ix ri nink'owisaj yin. Ja yin ri xiya'on ri xten ri nusamajel chawe, richin xok awixjayil, xa jak'a rija' toq xunabej chi yawa' chik, xuchop janila yiretzelaj. Y ja ri Jehová tiq'aton-tzij pa qawi', rat Abram y yin, xcha' ri Sarai chire.

1 Crón 12:18

Y k'o k'a jun achin rubini'an Amasai, aj-raqen pa kiwi' jun tzobaj achi'a' ri k'o janila kuchuq'a'. Y ri Espíritu richin ri Dios xqaqa-pe pa ruwi' rija' richin xubij chire ri David: Ojk'o awik'in David; Ojk'o awik'in, ruk'ajol ri Isaí; Man oj peteneq ta richin niqaben oyowal awik'in; Y man oj peteneq ta richin niqaben oyowal kik'in ri yeto'on awichin; Roma ri qa-Dios kan at ruto'on, xcha' ri Amasai. Y ri David xeruk'ul k'a chi utzil, y xeruya' aj-raqen pa kiwi' ri aj-labal.

Ez 16:44

Konojel k'a ri winaqi' ri nikibij etamabel taq tzij, xtikibij k'a pan awi': Achi'el ri te'ej, keri' ri ral.

San Mateo 15:19

Roma xa pa kánima k'a ri winaqi' yepe-wi ri itzel taq ch'obonik. Chiri' nipe-wi ri ch'obonik toq yekamisan. Chiri' chuqa' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun; chuqa' chiri' nipe-wi toq ye'eleq', toq yetz'uku tzij, y chuqa' toq yeyoq'on.

San Mateo 7:20

Roma ri' rix kan xtiwetamaj k'a kiwech ri winaqi' ri ye'apon iwik'in, xaxe rik'in nitz'et ri rubanikil ri kik'aslen.

Wuj Kichin ri To'onela' 11:27

Keri' yin kan man jun nubanon chawe, jak'a rat xa nawajo' naben oyowal wik'in. Ri Jehová ri kan chojmirisey richin ri nibanatej; ja rija' ri xtiq'aton-tzij pa qawi' roj israelita y rix ri ix rijatzul ri Amón, nicha' ri Jefté, xecha' ri e uk'uey rutzijol.