1 Sam 24:11 - Kaqchiquel Bible

¹¹ Wajaw yin, tatz'eta' re ruchi' ri ko'ol raqen atziaq re k'o pa nuq'a'. Yin kan xintzak'ij kan, retal richin man xatinkamisaj ta. Tawetamaj k'a chi yin man jun itzel k'o pa wánima chawij rat, ni man yatinq'ol ta. Y rat yinakanoj richin nawelesaj ri nuk'aslen.

1 Sam 24:11 ပူးပေါင်းရင်းမြစ်များ

2 Sam 1:14

Y ri David xubij k'a chire: ¿Man xak'en ta k'a rukiy toq xakamisaj ri rey ri rucha'on ri Jehová?, xcha'.

2 Rey 5:13

Jak'a ri rusamajela' ri Naamán xebe-apo rik'in y xkibij chire: Qajaw roj, wi ta ri q'alajirisey ruch'abel ri Dios nubij ta chawe chi tabana' jun samaj ri janila k'ayew, rat kan ta xaben. Jak'a re wakami, xaxe xubij chawe chi kabetatin chupan ri raqen-ya' Jordán, y xkak'achoj, xecha'.

Wuj Richin ri Achin Job 10:16

Roma wi yin nim ninna-q'anej-wi', rat xa yinawoqotala' achi'el nuben jun kanonel rik'in jun koj. Y rik'in ri keri' niq'alajin ri nima'q taq banobel ri ye'abanala' rat.

Wuj Richin Bix Chire ri Dios 119:161

Ek'o achi'a' ri k'o kiq'ij ri in kiq'eleben y man jun achike ta roma. Jak'a yin kan ninya' rejqalen ri ach'abel.

Wuj Richin Bix Chire ri Dios 140:11

Ri winaqi' e tz'ukuy tzij kan man ta k'a xkejike' chuwech re ruwach'ulew. Ri etzelal, jari' ta ri xtitzeqeliben kichin ri kamisanela'.

Wuj Richin Bix Chire ri Dios 35:7

Rije' xkiya' jun pikbel pa nubey ri xa man jun achike ta roma. Chuqa' xkiben k'a jun jul richin chi yin yitzaq ta chupan.

Wuj Richin Bix Chire ri Dios 59:3

Roma jantape' kiq'eleben ri nuk'aslen. Ri nima'q taq achi'a' kimolon k'a ki' richin yinkiya' pa k'ayew. Nikiben ronojel re', stape' yin man jun numak nubanon.

Wuj Richin Bix Chire ri Dios 7:5

Wi ta keri' nubanon, kan kinkitzeqelibej k'a ri e etzelanel wichin, y kan kinkiq'i' k'a. Kinkikamisaj y kinkitorij kan pan ulew.

Wuj Richin Etamabel-Tzij 15:1

Ri ch'uch'uj taq ch'abel kan nuben chi ri oyowal nik'is-el; jak'a ri poqon taq ch'abel xa nuben chi ri oyowal nibenimer-pe.

Wuj Richin ri K'uxla'anik 4:18

Ri e etzelanel qichin kan kitzuliben k'a ri qaxaka'l, k'a toq man xojtikir ta chik xojbiyin chupan ri qatinamit. Xa kan xapon k'a ri q'ij richin yojk'is. Wakami xqil k'a qaq'ij.

Ez 13:18

Tabij chike: Toq'ex kiwech ri yekitz'is taq tzieq richin nikiya' chirij kiq'a', richin k'o utz nuk'en-pe chike; y chuqa' yekiben tzieq richin nikiya' pa kijolon xaxe richin yekiya' pa pikbel ri achi'a'. Rije' xa nikisech kik'u'x ch'aqa' chik winaqi' richin nikikol-el ki' rije'.

San Juan 15:25

Ronojel k'a re', kan najin chik rubanik, roma kan keri' ri tz'ibatel kan chupan ri ruch'abel ri Dios ri ya'on chike y nubij:*f20* Yinketzelaj y xa man jun achike ta roma, nicha'.

1 Sam 12:3

Wakami k'a jare' ink'o chiwech. Tiq'alajirisaj ronojel chuwij chuwech ri Jehová y chuwech ri rey. Wi jun chiwe rix ri weleq'an ri rubóyix o ri rubur, tubij. O wi k'o jun nutz'ukun-tzij chirij o nuyoq'on ta, o wi k'o jun ri in rupuaqin, tibij-pe; y xtintzolij chire, xcha' ri Samuel chike.

1 Sam 18:27

ri David xbe kik'in ri aj-labal y xebekikamisaj kan e 200 achi'a' aj-Filistea. Rija' xuk'en k'a pe ri k'utun-el chire y xberujacha' chire ri rey. Xuben k'a ronojel re', richin chi nok ruji' rija'. K'ari' ri Saúl xujech-el ri Mical chire ri David richin nok rixjayil.

1 Sam 23:14

Y ri David xebek'oje' k'a chuwi' taq juyu' richin xbekewaj-ki' pa taq jul chiri' pa tz'iran ruwach'ulew richin Zif. Y ri Saúl kan ronojel k'a q'ij xerukanoj, jak'a ri Dios man xeruk'ut ta chuwech.

1 Sam 23:23

Kan tibetz'eta' k'a jebel ri akuchi k'o-wi, y k'ari' xtik'en-pe rutzijol chuwe. Y yin xkibe chuqa' chiwij richin xtibeqanik'oj. Wi kan chiri' k'o-wi, yin kan xtinkururej chikikojol konojel ri winaqi' aj-Judá, xcha' ri Saúl chike.

1 Sam 25:28

Yin nink'utuj utzil chawe richin takuyu' numak yin ri in samajel, roma kan jikil chi ri Jehová xtuben chawe chi ri aq'atbel-tzij xtijike' kik'in ri awijatzul. Xtuben kere' roma rat kan ja wi ri oyowal richin rija' naben. Y man jun ta k'a etzelal xtaqajbej chupan chijun ri ak'aslen.

1 Sam 26:18

Y chuqa' xubij: Rat wajaw, ¿achike k'a roma in atzeqeliben yin ri in asamajel? ¿Achike k'a nubanon yin? ¿Achike k'a etzelal nubanon chawe?

1 Sam 26:20

Wakami k'a, man ta xkiken yin nej chire ri qaruwach'ulew, roma rat kan at eleneq-pe chi nukanoxik achi'el nikanox jun k'eq y achi'el toq nikanox jun saqkorowach pa q'ayis, xcha' ri David.

1 Sam 26:23

Y ja ta ri Jehová xtiya'on rajel ruk'exel chuwe achi'el ri ruchojmilal ri xinben, roma rija' kan xarujech pa nuq'a' wakami. Jak'a yin man xinwajo' ta xinjeluj nuq'a' chawij rat ri kan at cha'on roma ri Jehová richin at okineq rey.