1 Sam 23:28 - Kaqchiquel Bible

²⁸ K'ari' ri Saúl man xutzeqelibej ta chik ri David. Xtzolej k'a richin xberubana' oyowal kik'in ri aj-Filistea. Xa roma ri' xkibij Sela-hamaj-lecot*f5* chire, ri akuchi xkijel-wi kibey.

1 Sam 23:28 ပူးပေါင်းရင်းမြစ်များ

1 Sam 23:27

Jari' toq xapon jun ya'ol rutzijol rik'in ri Saúl richin xberubij chike: Chi'anin ri' y kixtzolej-pe, roma ri aj-Filistea xe'ok-apo chupan ri qaruwach'ulew, xcha'.

1 Sam 23:29

K'ari' ri David xel k'a el chiri' y xberewaj-ri' chiri' pa tinamit En-gadi.

1 Sam 24:1

Y toq ri Saúl xtzolej-pe chikikamisaxik ri aj-Filistea, jari' toq xkiya-apo rutzijol chire, chi ri David k'o chik chupan ri tz'iran ruwach'ulew richin En-gadi.

1 Sam 23:25

Y xebe k'a ri Saúl richin xbekikanoj ri David, y ri David xa xya'ox yan rutzijol chire chi nikanox. Roma ri' rija' xqaqa-qa kojol nima'q taq abej richin ri tz'iran ruwach'ulew Maón. Y toq ri Saúl xrak'axaj re' kan xutzeqelibej k'a el k'a pa Maón.

1 Sam 24:2

K'ari' xerucha-el e 3,000 achi'a' ri maneq xibinri'il chikiwech. Xebe richin xebekikanoj ri David y ri aj-labal ri akuchi ek'o-wi ri nima'q taq abej ri akuchi ye'ilitej-wi ri tzuntzun aj pa k'echelaj.

Wuj Richin Bix Chire ri Dios 124:7

Roj xojkolotej kan, achi'el nikolotej jun aj-xik' chikop chuwech jun pikbel ri nuya' kan ri kanonel. Xraq'ach'itej k'a ri kipikbal y roj kan xojkolotej kan.