1 Sam 23:23 - Kaqchiquel Bible

²³ Kan tibetz'eta' k'a jebel ri akuchi k'o-wi, y k'ari' xtik'en-pe rutzijol chuwe. Y yin xkibe chuqa' chiwij richin xtibeqanik'oj. Wi kan chiri' k'o-wi, yin kan xtinkururej chikikojol konojel ri winaqi' aj-Judá, xcha' ri Saúl chike.

1 Sam 23:23 ပူးပေါင်းရင်းမြစ်များ

1 Rey 18:10

Chuwech k'a ri k'aslik Jehová ri qa-Dios ninbij-wi chi konojel ri ruwach'ulew y q'atoy taq tzij ri akuchi rutaqon-wi akanoxik ri wajaw, konojel kibin-pe chi man atk'o ta chiri'. Y toq keri' nikibij-pe rije', ri Acab kan xuben chike chi nikijikiba' ri kitzij chi man atk'o ta chupan ri kiruwach'ulew.

2 Rey 6:13

Y ri rey aj-Siria xubij: Kixbiyin y tikanoj akuchi k'o-wi richin chi yin ninteq ruchapik, xcha'. Y xya'ox k'a rutzijol chire, chi ri Eliseo k'o pa tinamit Dotán.

Wuj Richin Bix Chire ri Dios 10:8

Niq'eleben k'a chikinaqaj ri ko'ol taq tinamit; pan ewel k'a yerukamisaj ri maneq kimak; Kan rutzuliben k'a ri man nitikir ta nuto-ri'.

Wuj Richin Etamabel-Tzij 1:16

Roma rije' kan e anineq chubanik ri etzelal, y kan e anineq chuqa' chubanik kamik.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

Wuj Richin ri Q'axanri'il 10:36

Y toq nikipaba' k'a qa ri káxa richin chi ye'uxlan, ri Moisés nubij: Kak'oje' k'a qik'in qajaw, katok'oje' chiqakojol roj ri oj atinamit, ri man oj ajlatel ta, nicha'.

Marcos 14:1

Xa ka'i' chik k'a q'ij nrajo' richin chi napon ri q'ij toq ri aj-Israel nikinataj toq ri Dios xuya' ri Solbelri'il chike. Chuqa' nikinimaq'ijuj toq nikitej ri kaxlan-wey ri maneq ch'amilej-q'or rik'in. Jari' toq ri aj-raqen kichin ri sacerdote y ri etamanela' chirij ri pixa' nikich'obola' achike rubanik richin niqaqa ri Jesús pa kiq'a' y nikikamisaj.

1 Sam 23:22

Wakami k'a kixbiyin y titz'eta' jebel akuchi rewan-wi-ri', y achike tz'eteyon chiri', roma yin wak'axan chi rija' janila nowineq.

1 Sam 23:24

K'ari' ri aj-Zif, xkitaluj-el-ki' y xenabeyej-el chuwech ri Saúl richin xebe pa kitinamit. Jak'a ri David y ri aj-labal xa ek'o chik pa tz'iran ruwach'ulew richin Maón pa xokon chire ri Arabá.

1 Sam 24:11

Wajaw yin, tatz'eta' re ruchi' ri ko'ol raqen atziaq re k'o pa nuq'a'. Yin kan xintzak'ij kan, retal richin man xatinkamisaj ta. Tawetamaj k'a chi yin man jun itzel k'o pa wánima chawij rat, ni man yatinq'ol ta. Y rat yinakanoj richin nawelesaj ri nuk'aslen.