1 Sam 23:2 - Kaqchiquel Bible

² K'ari' rija' xuk'ulubej ri Jehová richin nretamaj wi nibe pan oyowal kik'in ri aj-Filistea, o ni. Y ri Jehová xubij chire chi tibiyin y tuberukolo' ri tinamit ri'.

1 Sam 23:2 ပူးပေါင်းရင်းမြစ်များ

2 Sam 2:1

Chirij k'a ronojel re' ri David xuk'utuj chire ri Jehová wi ruk'amon nitzolej chupan jun chike ri tinamit richin ri Judá. Y ri Jehová xubij chire chi utz nibe. Y xuk'utuj chik k'a achike chi tinamit ri k'o chi nibe-wi. Y ri Jehová xubij chi tibe pan Hebrón.

2 Sam 5:19

K'ari' ri David xuk'ulubej ri Jehová richin nretamaj wi ruk'amon niyakatej-el chikij richin niberubana' oyowal kik'in. Y xuk'utuj chuqa' wi yerujech pa ruq'a'. Y ri Jehová xubij chire chi kan xkerujech-wi pa ruq'a'.

2 Sam 5:23

Y ri David xuk'ulubej chik jun bey ri Jehová. Y rija' xubij chire chi man tijote-el chikiwech, xa tibekisutij-pe-kij y kekichapa' chi oyowal akuchi ek'o-wi ri che' bálsamo.

1 Crón 14:10

Y roma ri' ri David xuk'utuj chire ri Dios, y xubij: ¿Utz kami yinel-el chubanik oyowal kik'in ri aj-Filistea? ¿Kan xke'ajech kami pa nuq'a'?, xcha'. Y ri Jehová xubij chire chi tibe y kan xkerujech pa ruq'a'.

Wuj Richin Bix Chire ri Dios 32:8

Ri Jehová nubij: Yin kan atintzuliben k'a. Xtink'ut k'a chawech ri bey ri k'o chi nak'uaj. Y xtinben k'a chawe richin xtiq'ax chawech.

Wuj Richin ri Jeremías 10:23

K'ari' yin xich'on rik'in ri Jehová y xinbij: Rat awetaman chi roj man ja ta roj oj rajaw ri qak'aslen y qayon roj man yojtikir ta niqachojmirisaj ri qak'aslen.

Wuj Richin ri Q'axanri'il 27:21

Ri Josué kan jataqil k'a xtapon chuwech ri sacerdote Eleazar, y ri sacerdote xkiruk'ulubej k'a yin rik'in ri Urim y ri Tumim. Ja ri Josué k'a ri xtibin jampe' yebe y jampe' yepe e rachibilan ri ruwinaq. Kan chijun k'a tinamit xtuben ri xtubij rija' chike, xcha'.

Wuj Richin ri Josúe 9:14

Y ri e rijatzul ri Israel xkinimaj k'a, roma xkitz'et ri kikaxlan-way man utz ta chik, jak'a rije' man xkik'utuj ta na chire ri Jehová ri ruk'amon richin nikiben.

Wuj Kichin ri To'onela' 1:1

Chirij ri rukamik ri Josué, ri e rijatzul kan ri Israel xkik'ulubej ri Jehová y xkik'utuj k'a chire achike xkeyakatej-el nabey richin nibekibana' oyowal kik'in ri aj-Canaán.

1 Sam 10:22

K'ari' ri Samuel xuk'utuj k'a jun bey chik chire ri Jehová, richin niketamaj wi ri Saúl k'o chiri' o ni. Y ri Jehová xubij chike chi ri Saúl kan k'o-wi chiri' y xa xrewaj-ri' chukojol ri ejqa'n.

1 Sam 14:37

Y ri Saúl xuk'ulubej k'a ri Dios y xubij: ¿K'atzinel ninben oyowal kik'in ri aj-Filistea? ¿Xke'ajech kami pa qaq'a'?, Xcha'. Jak'a ri Jehová man jun xubij chire chupan ri aq'a' ri'.

1 Sam 23:3

Jak'a ri achi'a' ri ek'o rik'in ri David xkibij chire: Man natz'et ta chi ri wawe' pa Judá roj janila qaxibin-qi' y k'a ta la' chik xqojbe pan oyowal chiri' pa Queilá kik'in ri aj-labal aj-Filistea, xecha' rije'.

1 Sam 23:4

Y k'ari' ri David xuk'ulubej chik jun bey ri Jehová ri achike k'atzinel chi nuben, y ri Jehová xubij chire: Kixyakatej y kixbiyin-qa pa tinamit Queilá, roma yin kan xkenjech pan iq'a' ri aj-Filistea, xcha' ri Jehová.

1 Sam 23:6

Ri Abiatar xberila' ri David pa Queilá, ruk'uan-el jun tzieq richin sacerdote richin nuk'ulubej ri Jehová.

1 Sam 30:8

K'ari' xuk'ulubej ri Jehová y xubij chire: ¿Utz kami yentzeqelibej re tzobaj eleq'oma' re'? ¿Yitikir kami yenq'i'?, xcha'. Y ri Jehová xubij chire: Ke'atzeqelibej, roma kan ninbij chawe chi xke'aq'i', y xke'akol-pe ri xekik'uaj-el, xcha'.