1 Sam 23:16 - Kaqchiquel Bible

¹⁶ K'o k'a jun q'ij ri Jonatán xbe rik'in ri David k'a chiri' pa k'echelaj, richin xberuya' kan ruchuq'a' pa rubi' ri Dios.

1 Sam 23:16 ပူးပေါင်းရင်းမြစ်များ

2 Timoteo 2:1

Ninbij k'a chawe rat Timoteo, ri at achi'el nuk'ajol, chi kan tik'oje' k'a el awuchuq'a' rik'in ri utzil ri niqak'ul roma ri Cristo Jesús.

Efesios 6:10

Y pa ruk'isibel ninbij k'a el chiwe wach'alal, chi kan tikanoj k'a iwuchuq'a' rik'in ri Dios, roma rik'in rija' kan nim wi uchuq'a' k'o.

San Lucas 22:32

Jak'a yin kan in ch'owineq-wi-pe rik'in ri Dios, pan awi' rat, richin keri' kan takuquba' ak'u'x wik'in. Jak'a toq xtitzolin-pe ak'u'x wik'in, tabana' chike ri ch'aqa' chik nutijoxela' chi kan tikikuquba-wi kik'u'x wik'in, xcha' ri Jesús.

1 Sam 30:6

Ri David janila bis k'o rik'in roma ri achi'a' ri e beneq rik'in nikibij chi nikik'eq chi abej roma ri xbanatej. Chijun k'a tinamit janila niq'axon ri kánima roma ri kalk'ual. Jak'a ri David kan xril ruchuq'a' rik'in ri Jehová ri ru-Dios.

San Lucas 22:43

[K'o k'a jun ángel ri peteneq chila' chikaj xuk'ut-ri' chuwech, richin noruya-qa ruchuq'a' ri Jesús.

Wuj Richin ri Nehemías 2:18

Jari' toq xinq'alajirisaj chike chi ri qa-Dios kan janila rutzil ruya'on pa nuwi', y keri' chuqa' ri ch'abel ri rubin-pe ri rey Artajerjes chuwe. Y toq rije' xkak'axaj re ch'abel re', jari' toq xkibij chi yeyakatej richin nikipaba-q'anej. Y keri' xkitun ri kuchuq'a' richin xkiben ri samaj ri'.

Wuj Richin Etamabel-Tzij 27:9

Ri jubulej taq aq'om, ri jalajoj kibanik, kan nuben chawe chi nik'ases ri awánima; keri' ri awachibil ri kan ki' taq ch'abel ri nuya' chawe, kan nuya' awuchuq'a' chupan ri ak'aslen.

Wuj Richin Etamabel-Tzij 27:17

Richin niban ruchojmil o niban rutza'n jun q'eqapueq, kan q'eqapueq chuqa' ri nukusex; y keri' ri wineq, richin nichojmirisex, kan jun chik k'a wineq ri k'o chi nibanon.

Deut 3:28

Xaxe k'a tabij chire ri Josué chi tutija' ruq'ij y tukuquba' ruk'u'x, roma ja rija' xtuk'uan richin ri tinamit y ja rija' xtibejachon ri ruwach'ulew chikiwech ri winaqi' ri xtabetz'eta' kan, xcha' ri Jehová chuwe.

Wuj Richin ri Achin Job 16:5

Jak'a yin man ta keri' ch'abel ri yenbij chiwe; ri nuchi' kan man ta nitane' richin chi ninya' iwuchuq'a' chupan ri iq'axo'n.

Ez 13:22

Rik'in ri tz'ukuj-tzij ri xkiben chike ri winaqi' ri choj kik'aslen richin xmayamo-qa ri kánima, stape' xa man ja ta ri' ri nurayibel yin. Y chuqa' xkiya' kuchuq'a' ri yebanon etzelal richin nikiben más etzelal y keri' man xkekolotej ta.

1 Sam 23:15

K'ari' ri David xebek'oje' chik pa k'echelaj, ri k'o pa tz'iran ruwach'ulew richin Zif, roma xretamaj chi yekanox roma ri Saúl richin yerukamisaj.