1 Sam 22:6 - Kaqchiquel Bible

⁶ K'o k'a jun q'ij toq ri Saúl k'o chupan ri tinamit Guibeá, tz'uyul chuxe' jun che' ri nibix tamarisco chire, ri k'o pa ruwi' juyu'. Rija' ruk'uan ri rukum, y konojel ri aj-labal ek'o-apo rik'in. Jari' toq rija' xunabej chi ri David y konojel ri aj-labal xe'ilitej.

1 Sam 22:6 ပူးပေါင်းရင်းမြစ်များ

1 Sam 20:33

Jari' toq ri Saúl xuk'eq jun kum chirij ri ruk'ajol richin nukamisaj. Jari' toq ri Jonatán xq'ax chuwech chi ri rutata' kan nrajo-wi nukamisaj ri David.

1 Sam 19:9

Chupan k'a jun aq'a', ri Saúl tz'uyul pa rachoch y ruchapon ri rukum, rokik ri David niq'ojoman. Y jari' toq ri Jehová xuteq chik pe ri itzel espíritu rik'in ri Saúl, y roma ri' xuk'eq ri rukamisabal richin nuch'ik ta ri David chuwech ri jay. Jak'a ri David xtikir xujel y ri kum xch'ike' chuwech ri jay. Y chupan k'a ri aq'a' ri' ri David xrewaj-el-ri' y xbe chirachoch.

1 Sam 18:10

Ri jun chik q'ij ri Jehová xuteq chik k'a pe ri itzel espíritu rik'in ri Saúl, y kan sachineq ruk'u'x k'o pa rachoch. Y ri David niq'ojoman k'a achi'el nuben ri ch'aqa' chik q'ij. Y ri Saúl kan ruk'uan k'a ri rukum.

Wuj Kichin ri To'onela' 4:5

Ri rutinamit re ixoq re' k'o chuwi' taq juyu' richin ri Efraín. Ronojel q'ij rija' nitz'uye' chuxe' jun che' palma ri k'o chiri' chikikojol ri tinamit Ramá y Betel; roma ri' ri che' ri' nibix Palma Richin Débora chire. Ri e rijatzul kan ri Israel, k'a chiri' k'a ye'apon-wi-q'anej rik'in richin nuq'et-pe tzij pa kiwi'.

Wuj Richin ri Rutikeribel 21:33

Y jak'a ri Abraham xutik k'a qa jun che' rubini'an tamarisco chiri' pa Beerseba, y chiri' k'a xuya' ruq'ij ri Jehová ri Dios richin q'asen.

1 Sam 14:2

Jak'a ri Saúl k'o chunaqaj ri tinamit Guibeá chuxe' jun che' granado, ri akuchi nich'ay-wi trigo, y e rachibilan ri e 600 achi'a'.

1 Sam 31:13

K'ari' xmol-el ri kibaqil y xekimuq chuxe' jun che', y man xewa' ta wuqu' q'ij, roma janila yebison.