1 Sam 22:19 - Kaqchiquel Bible

¹⁹ Chuqa' xbe pa Nob, ri kitinamit ri sacerdote, y xerukamisaj kan konojel ri winaqi' chi espada; chi achi'a', chi ixoqi', chi ak'uala', chuqa' ri bóyix, ri wákix, ri bur y ri taq karne'l.

1 Sam 22:19 ပူးပေါင်းရင်းမြစ်များ

Wuj Richin ri Nehemías 11:32

pan Anatot, pa Nob, pan Ananías,

Wuj Richin ri Isaías 10:32

Ri aj-Asiria ek'o chik pa tinamit Nob. Nikiya' retal richin nibekichapa' chi oyowal ri juyu' Sión, taq'aj kojol juyu' richin Jerusalem.

Os 10:14

Roma ri' ri winaqi' ri ek'o pa taq itinamit xa kan xtisach k'a kik'u'x. Ronojel ri jay richin tobel ri tz'apen-kij chi tz'aq xa xkewulex, achi'el xuben ri rey Salman chire ri tinamit Bet-arbel chupan ri labal, toq ri teja' xekamisex junan kik'in ri taq kal.

San Mateo 21:16

Ri aj-raqen xkibij chire ri Jesús: ¿Nawak'axaj k'a ri ye'ajin chubixik ri ak'uala'?, xecha'. Ri Jesús xubij chike: Ja', ninwak'axaj. Y rix, ¿man itz'eton ta k'a chupan ri ruch'abel ri Dios*f31* ri nubij chi ri taq ak'uala' y ri k'a yetz'uman na, nikibixaj k'a ri ruk'ojlen ri Dios?, xcha'.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

Wuj Richin ri Josúe 6:17

Ri tinamit y ronojel ri k'o chupan, ri Jehová kan rubanon chire chi nik'is jumul, xaxe k'a ri Rahab, ri ixoq itzel ruk'aslen, ri xtik'ase' kan kik'in konojel ri ek'o pa rachoch, roma kan xerewaj ri nachanela' ri xeqateq-pe.

Wuj Richin ri Josúe 6:21

Y ronojel ri xkil chupan ri tinamit ri', xekikamisaj rik'in espada; chi achi'a', chi ixoqi', chi ak'uala' y ri taq rijita'q, chuqa' ri bóyix, ri kokoj taq awej y konojel ri bur.

1 Sam 15:3

Kixbiyin k'a y tibebana' oyowal kik'in. Tik'isa' kan ronojel ri k'o kik'in, y man tijoyowaj kiwech. Ke'ikamisaj kan chi achi'a', chi ixoqi', chi ak'uala', y chuqa' ri ak'uala' ri k'a yetz'uman na, chuqa' ri kiwákix, ri kikarne'l, ri ki-camello, ri kibur y ronojel ri kawej, rubin ri Jehová, xcha'.

1 Sam 15:8

Y xkichop k'a el ri Agag rey kichin ri amalecita, jak'a konojel winaqi' richin ri tinamit ri' xekikamisaj kan chi espada.

1 Sam 15:9

Y ri Saúl y ri aj-labal xa xkijoyowaj ruwech ri Agag, y man xkikamisaj ta. Chuqa' man xekikamisaj ta ri jebelej, nima'q y kokoj taq awej. Chuqa' ronojel ri k'o kejqalen man xkineq ta, jak'a ri xa man yek'atzin ta y maneq rejqalen, jari' xekik'is kan jumul.

1 Sam 21:1

Toq xk'uluwachitej yan ronojel re', ri David xberewaj-ri' pa tinamit rubini'an Nob rik'in ri sacerdote Ahimélec. Y ri Ahimélec kan janila k'a xuxibij-qa-ri' y xubij chire. ¿Achike roma ayon at peteneq y kan man jun peteneq chawij?, xcha' chire.

1 Sam 22:11

K'ari' ri rey Saúl xuteq k'a royoxik ri sacerdote Ahimélec. Chuqa' xuteq koyoxik konojel ri e sacerdote ri ek'o pa Nob. Y toq konojel ek'o chik rik'in,

1 Sam 22:9

Jari' toq xch'on-apo ri Doeg aj-Edom ri rusamajel ri Saúl y xubij: Yin xintz'et kan ri ruk'ajol ri Isaí chiri' pa tinamit Nob rik'in ri sacerdote Ahimélec ruk'ajol ri Ahitub.