1 Sam 22:12 - Kaqchiquel Bible

¹² jari' toq xubij chire ri Ahimélec: Wakami k'a tawak'axaj rat rijatzul kan ri Ahitub, xcha'. Y ri Ahimélec xubij chire: Jare' ink'o wawe' wajaw, tabij ri achike nubij ri awánima, xcha'.

1 Sam 22:12 ပူးပေါင်းရင်းမြစ်များ

2 Sam 1:7

Ri Saúl xtzu'un k'a chirij y jari' toq xirutz'et yin. Xiroyoj k'a, y yin xink'utuj chire ri achike nrajo'.

2 Sam 9:6

Y xpe k'a ri Mefi-bóset ruk'ajol kan ri Jonatán y rumam kan ri Saúl. Y toq xapon rik'in ri David, xxuke-qa chuwech y xuya' ruq'ij. Y ri David xuk'utuj chi wi ja rija' ri Mefi-bóset. Y rija' xubij chi kan ja wi rija'.

Wuj Richin ri Isaías 65:1

Ri Jehová nubij: Ja ri man jun kik'utun chuwe, chikiwech rije' xtink'ut-wi-wi'. Ri kan man jun bey in kikanon ta, ja rije' ri xke'ilon wichin. Y ja ri tinamit ri man jun bey kinatan ta nubi', chike k'a rije' xtinbij chi jare' ink'o wawe'.

1 Sam 22:11

K'ari' ri rey Saúl xuteq k'a royoxik ri sacerdote Ahimélec. Chuqa' xuteq koyoxik konojel ri e sacerdote ri ek'o pa Nob. Y toq konojel ek'o chik rik'in,

1 Sam 22:13

Jari' toq ri Saúl xuk'utuj chire: ¿Achike roma xjunamatej-awech rik'in ri ruk'ajol ri Isaí richin chi xixyakatej chuwij? Roma rat xaya-el ri kaxlan-wey y ri ru-espada ri Goliat chire, y pa ruwi' ri' xak'ulubej ri Dios pa ruwi' rija' richin chi in ruq'eleben. Y nuyala' pikbel pa nubey achi'el ri nuben wakami, xcha' ri Saúl.

1 Sam 22:7

K'ari' ri Saúl xubij chike ri aj-labal ri kisutin-apo-rij: Tiwak'axaj k'a re wakami rix nuwinaq ri oj rijatzul kan ri Benjamín. ¿Ninimaj kami rix chi ri ruk'ajol ri Isaí, nuya' iwulew ri tikon chik uva chuwech, o yixruya' aj-raqen pa kiwi' e 1,000, o aj-raqen pa kiwi' ch'aqa' chik tzobaj?